Myndasyrpa: Kveðjustund Íslands á EM

Sindri Sverrisson skrifar 19. júlí 2022 08:02

Gunnhildur Yrsa Jónsdóttir fékk koss frá sinni heittelskuðu Erin McLeod eftir leik. VÍSIR/VILHELM

Þrátt fyrir að hafa ekki tapað leik á EM féll Ísland úr keppni í gærkvöld eftir 1-1 jafntefli við Frakkland í þriðja og síðasta leik sínum.

Vilhelm Gunnarsson, ljósmyndari Vísis, var á vellinum í Rotherham í gærkvöld líkt og í fyrri leikjum Íslands á mótinu og hér að neðan má sjá myndasyrpu hans frá kveðjustundinni.

Íslenski hópurinn heldur nú til síns heima en í stað Íslands mun Belgía spila í 8-liða úrslitum EM á föstudagskvöld þar sem liðið mætir Svíþjóð. Frakkland mætir hins vegar Hollandi í sannkölluðum stórleik á laugardagskvöld.

Stelpurnar þökkuðu fyrir stuðninginn úr stúkunni, vonsviknar á svip eftir að hafa verið svo nálægt því að komast í 8-liða úrslit.VÍSIR/VILHELM

Dagný Brynjarsdóttir var nálægt því að skora skömmu áður en hún gerði mark Íslands af vítapunktinum.VÍSIR/VILHELM

Íslenski EM-hópurinn saman í hring eftir að niðurstaðan lá fyrir í gærkvöld.VÍSIR/VILHELM

Vonbrigðin leyna sér ekki í augum Berglindar Bjargar Þorvaldsdóttur.VÍSIR/VILHELM

Gylfi Þór Sigurðsson var á meðal stuðningsmanna í stúkunni og knúsaði frænku sína, Karólínu Leu Vilhjálmsdóttur, sem átti frábært mót.VÍSIR/VILHELM

Sara Björk Gunnarsdóttir var komin af velli og á hliðarlínuna á lokakafla leiksins.VÍSIR/VILHELM

Sveindís Jane Jónsdóttir varð að fara af velli eftir að hafa fundið fyrir eymslum í læri.VÍSIR/VILHELM

Íslensku stuðningsmennirnir höfðu nokkrum sinnum ærna ástæðu til að gleðjast á meðan á leik stóð.VÍSIR/VILHELM

Guðný Árnadóttir lék sinn fyrsta leik á EM og stóð sig frábærlega. Hún glímdi við meiðsli í hné í aðdraganda mótsins og var með miklar umbúðir um hnéð.VÍSIR/VILHELM

Elísa Viðarsdóttir og Sara Björk Gunnarsdóttir í faðmlagi eftir að Ísland féll úr leik. Leikmenn leituðu að vinum og fjölskyldu í stúkunni.VÍSIR/VILHELM

Ingibjörg Sigurðardóttir kom nokkuð óvænt inn í vörn íslenska liðsins og lét finna vel fyrir sér.VÍSIR/VILHELM

Sara Björk Gunnarsdóttir var ekki sátt við sinn gamla liðsfélaga Wendie Renard sem gerði eitt sinn mikið úr meintu broti í leiknum.VÍSIR/VILHELM

Gríðarlegur hiti var í Rotherham í gær en stuðningsmenn Íslands létu það ekki slá sig út af laginu.VÍSIR/VILHELM

Áslaug Munda Gunnlaugsdóttir, Elín Metta Jensen og Dagný Brynjarsdóttir daprar í bragði í leikslok.VÍSIR/VILHELM

Fyrirliðinn Sara Björk Gunnarsdóttir átti góðan leik en var tekin af velli í seinni hálfleik.VÍSIR/VILHELM

Sveindís Jane Jónsdóttir á leið í skyndisókn en brotið var á henni.VÍSIR/VILHELM

Svava Rós Guðmundsdóttir hughreystir Karólínu Leu Vilhjálmsdóttur eftir að Ísland féll úr leik.vísir/vilhelm

Þessi ungi stuðningsmaður Íslands sýndi stuðning með litríkum hætti.VÍSIR/VILHELM

Landslið kvenna í fótbolta Fótbolti EM 2022 í Englandi Íslendingar erlendis

Tengdar fréttir

Umfjöllun: Taplausar eftir hetjulega baráttu í hitanum en samt á heimleið af EM

Stelpurnar okkar eru úr leik á Evrópumótinu í Englandi þrátt fyrir 1-1 jafntefli á móti Frakklandi á New York leikvanginum í Rotherham. Úrslitin sem eyðilögðu allar vonir íslenska liðsins komu úr hinum leik riðilsins en það voru einmitt þau sem sendu okkar konur endalega heim af EM.

18. júlí 2022 23:45

Hallbera Guðný hætt með landsliðinu: „Frá mínum dýpstu hjartarótum TAKK FYRIR MIG.“

Hallbera Guðný Gísladóttir hefur ákveðið að leggja skóna á hilluna. Hennar síðasti landsleikur var því 1-1 jafnteflið gegn Frakklandi í kvöld en hún staðfesti þetta sjálf á samfélagsmiðlum eftir leik.

18. júlí 2022 23:55

Sveindís Jane: Við stóðum okkur virkilega vel í dag

Sveindís Jane Jónsdóttir var eins og liðsfélagar sínir svekkt með niðurstöðuna eftir EM. Hún þurfti að fara af velli vegna meiðsla undir lok leiks en hafði átt skalla í slá í fyrri hálfleik. Leikurinn endaði 1-1 og Ísland á leiðinni heim eftir góða frammistöðu í heild.

18. júlí 2022 23:30

Fyrirliðanum fannst Ísland ekki eiga skilið að falla úr leik eftir frammistöðu kvöldsins

„Jákvæða er að við erum taplausar en það neikvæða er að við komumst ekki upp úr riðlinum,“ sagði fyrirliðinn Sara Björk Gunnarsdóttir eftir 1-1 jafntefli Íslands og Frakklands í D-riðli Evrópumóts kvenna í fótbolta.

18. júlí 2022 22:45

Þorsteinn: Ég er stoltur af mörgu sem við gerðum hérna

Íslenska landsliðið byrjaði leikinn skelfilega á móti Frakklandi með að fá á sig mark á upphafsmínútu en vann sig út úr því og tókst að ná jafntefli á móti þessu sterka liði Frakka.

18. júlí 2022 22:04

Einkunnir: Margar sem spiluðu vel en Glódís Perla bar af

Það var allan tímann ljóst að það yrði á brattann að sækja fyrir íslensku stelpurnar í kvöld gegn gríðarsterku liði Frakklands. Til að gera brekkuna töluvert brattari þá skoruðu Frakkar fyrsta mark leiksins strax áður en fyrsta mínúta leiksins var liðin.

18. júlí 2022 21:50

Twitter um leikinn við Frakka: „Takk stelpur“

Ísland átti séns á að komast áfram í 8-liða úrslit á EM 2022 í Englandi þegar leikið var við sterkt lið Frakka sem þó gerði sex breytingar á liði sínu. Leikurinn endaði 1-1 en Belgar unnu Ítali og því eru Stelpurnar okkar úr leik. Twitter þjóðin var að sjálfsögðu með sínar skoðanir á því sem fór fram.

18. júlí 2022 21:30