Fótbolti

„Helltist yfir mig þakk­læti fyrir að vera hluti af þessum ó­trú­lega hóp“

Runólfur Trausti Þórhallsson skrifar
Cecilía ræddi við Stöð 2 og Vísi eftir leik.
Cecilía ræddi við Stöð 2 og Vísi eftir leik. Stöð 2

Markvörðurinn ungi Cecilía Rán Rúnarsdóttir var til tals eftir leik Íslands og Belgíu á Evrópumótinu í fótbolta í dag. Cecilía Rán fingurbrotnaði á dögunum og þurfti því að draga sig úr leikmannahópi Íslands.

„Það var bara mjög gaman að horfa á þær, mér fannst það allavega. Erfitt að vera ekki þannig séð af hluti af liðinu, á bekknum og þannig. Ég er samt mjög þakklát fyrir að hafa verið að hluti af hópnum fá að fara inn í klefa og allt það. Mér fannst við eiga meira skilið en eitt stig en við tökum því,“ sagði Cecilía Rán aðspurð hvernig það hefði verið að horfa á leik dagsins úr stúkunni.

„Maður varð smá meyr, það helltist yfir mig þakklæti fyrir að vera hluti af þessum ótrúlega hóp og allar þessar stelpur, við erum eins og fjölskylda. Bara ótrúlegt,“ sagði Cecilía Rán varðandi ákvörðun stelpnanna að taka treyju hennar með út á völl og sýna á liðsmynd sem tekin var fyrir leik.

Fer í aðgerð í vikunni

„Ég fer til Þýskalands á morgun og fer í aðgerðina á þriðjudaginn. Svo fer það eftir hvernig aðgerðin heppnast hvort ég fæ að fara til baka. Auðvitað vona ég það, að ég fái að fara til baka og vera hluti af þessu geggjaða liði.“

Viðtalið við Cecilíu Rán Rúnarsdóttur má sjá í spilaranum hér að neðan.

Klippa: Viðtal við Cecilíu Rán eftir leik
Fótbolti EM 2022 í Englandi Landslið kvenna í fótbolta

Tengdar fréttir

Leik lokið: Belgía-Ís­land 1-1 | Allt jafnt í Manchester

Ísland og Belgía gerðu 1-1 jafntefli er liðin mættust á akademíuvelli Manchester City í D-riðli Evrópumóts kvenna í fótbolta í dag. Ísland komst yfir en klaufaleg vítaspyrna kom Belgíu inn í leikinn og því fór sem fór.

Svein­dís Jane best en Gló­dís Perla og Karó­lína Lea ekki langt undan

Að mati Íþróttadeildar Vísis þá var Sveindís Jane Jónsdóttir besti leikmaður Íslands í dag er liðið gerði 1-1 jafntefli við Belgíu í fyrsta leik Evrópumóts kvenna í fótbolta. Þær Glódís Perla Viggósdóttir og Karólína Lea Vilhjálmsdóttir voru ekki langt þar á eftir. Almennt átti íslenska liðið góðan dag en því miður féll þetta ekki með Íslandi í dag.

„Þetta dettur með okkur í næsta leik“

„Held að við áttum meira skilið, áttum fullt af góðum færum – dauðafærum – og hefðum getað skorað úr vítinu en svona er þetta bara,“ sagði Sveindís Jane Jónsdóttir í viðtali við RÚV eftir landsleik Íslands og Belgí á EM kvenna í fótbolta.

„Ég þurfti bara að vinna upp fyrir þetta klúður“

Berglind Björg Þorvaldsdóttir skoraði fyrsta mark Íslands á EM 2022 í 1-1 jafntefli liðsins gegn Belgíu í opnunarleik D-riðils. Hún nætti þá upp fyrir vítaspyrnu sem hún lét verja frá sér í fyrri hálfleik og segir það hafa verið mikinn létti.

Gunnhildur Yrsa: „Ég get ekki látið mig hverfa inn í teig“

Gunnhildur Yrsa Jónsdóttir, miðjumaður íslenska kvennalandsliðsins í fótbolta, var nokkuð svekkt eftir 1-1 jafntefli liðsins gegn Belgíu í opnunarleik D-riðils á EM sem fram fer á Englandi. Gunnhildur fékk dæmda á sig vítaspyrnu í síðari hálfleik sem skilaði Belgum jöfnunarmarkinu.

„Þetta var draumi líkast“

Markvörðurinn Sandra Sigurðardóttir spilaði sínar fyrstu mínútur fyrir Íslands hönd á stórmóti er liðið gerði 1-1 jafntefli við Belgíu í dag. Sandra var hins vegar að mæta til leiks á sitt fjórða stórmót en þangað til nú hefur hún þurft að verma varamannabekk Íslands.

„Þurfum að nýta færin betur og vera að­eins gráðugri á síðasta þriðjungi“

„Maður er stoltur, góð tilfinning og við vorum með mjög góða tilfinningu fyrir leikinn. Allir bláir í stúkunni og geggjuð stemmning en auðvitað hefði maður viljað ná í þrjú stig og sigur í dag,“ sagði landsliðsfyrirliðinn Sara Björk Gunnarsdóttir eftir 1-1 jafntefli Íslands og Belgíu á Evrópumóti kvenna í fótbolta í dag.

Mest lesið


Fleiri fréttir

Sjá meira


×

Mest lesið