Atvinnulausum fækkað um þúsund milli mánaða

Þetta kemur fram í skýrslu Vinnumálastofnunar. Samkvæmt henni voru 6.675 atvinnulausir í júní, 3.661 karl og 3.014 konur. Alls staðar dró úr atvinnuleysi í júní en hlutfallslega mest á Austurlandi, Norðurlandi eystra og Vestfjörðum. 

Mest var atvinnuleysi á Suðurnesjum í eða 5,8 prósent og minnkaði úr 6,6 prósent í maí. Næst mest var atvinnuleysið 3,7 prósent á höfuðborgarsvæðinu og minnkaði úr 4,2 prósent í maí.

Minnst var atvinnuleysi í júní á Norðurlandi vestra og Vestfjörðum  eða um 0,9 til 1,5 prósent. Alls höfðu 2.395 verið án atvinnu í meira en 12 mánuði í lok júní og fækkaði um 318 frá maí.