Samningur um starfslok Pochettino hjá PSG að nálgast höfn

Pochettino tók við PSG í janúar árið 2021 þegar Thomas Tuchel var látinn taka pokann sinn. Argentíumaðurinn gerði þá eins og hálfs árs samning við PSG. 

PSG mistókst að vinna franska meistarartitilinn á fyrsta tímabilinu undir stjórn Pochettino. Liðið vann hins vegar frönsku efstu deildina með 15 stiga mun síðastliðið vor. 

Á síðustu leiktíð leiddi Pochettino í undanúrslit Meistaradeildar Evrópu þar sem liðið laut í lægra haldi fyrir Manchester City. 

Real Madrid sló aftur á móti PSG úr keppni í 16 liða úrslitum Meistaradeildarinnar á þessu keppnistímabili. 

Luis Campos var nýverið ráðinn yfirmaður knattspyrnumála hjá PSG en talið er að Zinedine Zidane sé fyrsti kostur sem eftirmaður Pochettino í starf knattspyrnustjóra. Christophe Galtier, þjálfari Nice, er einnig orðaður við starfið hjá PSG.