Meirihlutarnir fimm sem eru í boði Óttar Kolbeinsson Proppé skrifar 17. maí 2022 07:00 Þetta eru meirihlutarnir fimm sem í boði eru eins og staðan er í dag eftir að Vinstri græn útilokuðu meirihlutasamstarf og Píratar og Sósíalistar neita að vinna með sumum flokkum. vísir/kristján Eftir yfirlýsingar Vinstri grænna um að taka ekki þátt í myndun nýs meirihluta í borgarstjórn og útilokanir Pírata og Sósíalista á samstarfi við suma flokka koma aðeins fimm meirihlutamyndanir til greina í Reykjavík. Segja má að fyrsti dagur almennilegra þreifinga í meirihlutamyndun fyrir næstu borgarstjórn hafi hafist í gær. Einar Þorsteinsson, oddviti Framsóknarflokksins er með pálmann í höndunum eftir kosningar en í þeim fimm meirihlutum sem eru í boði er Framsókn í fjórum þeirra. Hann hitti Hildi Björnsdóttur, oddvita Sjálfstæðisflokksins, á fundi í morgun og þá hafa Einar og Dagur B. Eggertsson, sitjandi borgarstjóri og oddviti Samfylkingarinnar, komið sér saman um að hittast núna seinni partinn. Einar og Dagur funduðu í dag. Óformlega, að sjálfsögðu, eins og allir hamra á þessa stundina. Vísir/Stöð 2 „Einhverjir hafa verið að tala saman og ég held að það sé nú bara eðlilegt svona í dag að fólk bara kanni hug hvers annars,“ sagði Dagur í samtali við fréttastofu í dag. Hildur Björnsdóttir segist þá hafa verið í samræðum við nokkra oddvita í dag og það segir Þórdís Lóa Þórhallsdóttir, oddviti Viðreisnar, einnig hafa gert. Færri kostir í boði í dag en í gær Ljóst er að meirihlutamyndunin gæti orðið snúin eftir fall meirihluta síðasta kjörtímabils. Og eftir að Líf Magneudóttir eini borgarfulltrúi Vinstri grænna tilkynnti í gær að flokkurinn væri ekki tilbúinn að taka þátt í meirihlutasamstarfi fækkar mögulegum meirihlutum talsvert. Þá hafa Sósíalistar útilokað samstarf við Viðreisn og Sjálfstæðisflokk og Píratar sömuleiðis útilokað að vinna með Sjálfstæðismönnum. Raunhæfasti möguleikinn á myndun þriggja flokka meirihluta væri samstarf Samfylkingar, Framsóknar og Pírata, með 12 fulltrúa, sem er minnsti mögulegi meirihluti í borgarstjórn. Oddviti Viðreisnar lýsti því þó yfir í morgun að Viðreisn, Samfylking og Píratar hefðu ákveðið að halda sig saman um myndun meirihluta og ef þeir kæmust að samkomulagi við Framsókn yrði það 13 fulltrúa meirihluti. Þetta líst Viðreisn vel á. „Það er líklegasti kosturinn já. En það er ýmislegt annað í stöðunni. Ég meina það er allt opið í pólitík,“ segir hún. Þórdís Lóa Þórhallsdóttir, oddviti Viðreisnar.Vísir/Vilhelm Of mikið gert úr orðum Lóu Því var síðan slegið upp á mbl.is í dag að Þórdís Lóa útilokaði ekki að vinna til hægri. Eina stjórnin sem kemur þar til greina væri stjórn Sjálfstæðisflokks, Framsóknar, Viðreisnar og Flokks fólksins, sem hefði 12 fulltrúa. Hildi Björnsdóttur líst vel á þann möguleika. „Það er einn möguleiki í stöðunni og það er svona möguleiki þar sem er nokkuð breið málefnasamstaða fyrir. Þannig að það kæmi vel til skoðunar,“ segir Hildur. Hildur vill komast í meirihluta. Bjarni Bjarnason Þórdís Lóa segir þó of mikið hafa verið gert úr orðum sínum um að útiloka ekki hægristjórn: „Núna erum við búin að gefa þá yfirlýsingu að við ætlum að leiðast með Pírötum og Samfylkingu. Og þar erum við í dag.“ Tvær ólíklegar þriggja flokka stjórnir Til greina koma svo einnig tvær þriggja flokka stjórnir sem yrðu einhvers konar miðjustjórnir með flokkum til hægri og vinstri. Þrír stærstu flokkarnir Sjálfstæðisflokkur, Framsókn og Samfylking gætu myndað 15 manna meirihluta og svo er annar möguleiki í stöðunni - eini meirihlutinn sem hægt er að mynda án Framsóknar. Það væri stjórn Sjálfstæðisflokks, Samfylkingar og Viðreisnar með 12 fulltrúa. Dagur telur þó of mikinn skoðanamun innbyrðis í Sjálfstæðisflokknum koma í veg fyrir þessa meirihlutamyndun. „Það að eiga að verða einhver svona sáttasemjari þeirra á milli. Orkunni og tímanum er kannski ekki vel varið í það,“ segir Dagur. Sveitarstjórnarkosningar 2022 Reykjavík Framsóknarflokkurinn Samfylkingin Sjálfstæðisflokkurinn Píratar Viðreisn Sósíalistaflokkurinn Vinstri græn Mest lesið Íslensk flugáhöfn horfði á ljónaárás rétt við hótelið Innlent „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Handtekinn eftir hliðarkeyrslu á talsverðum hraða Innlent Huldukona í lykilhlutverki í lygilegu ráðabruggi um símboðana Erlent „Þegar hægrið fær að ráða ferðinni óheft og án alls taumhalds fer illa“ Innlent „Kveður nýjan tón í samstarfinu sem er efnislega lokið“ Innlent „Ein versta nóttin“ í Beirút frá upphafi átaka Erlent Sneri aftur á vettvang banatilræðisins Erlent Mótmælendur hindruðu för lögreglubíls í forgangsakstri Innlent Fleiri fréttir Glerbrot í lauginni „Kveður nýjan tón í samstarfinu sem er efnislega lokið“ Stjónmálafræðingur segir kosningar nær en marga gruni Nýr formaður VG, seðlabankastjóri og ástandið á Gaza Íslensk flugáhöfn horfði á ljónaárás rétt við hótelið Handtekinn eftir hliðarkeyrslu á talsverðum hraða Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Sjá meira
Segja má að fyrsti dagur almennilegra þreifinga í meirihlutamyndun fyrir næstu borgarstjórn hafi hafist í gær. Einar Þorsteinsson, oddviti Framsóknarflokksins er með pálmann í höndunum eftir kosningar en í þeim fimm meirihlutum sem eru í boði er Framsókn í fjórum þeirra. Hann hitti Hildi Björnsdóttur, oddvita Sjálfstæðisflokksins, á fundi í morgun og þá hafa Einar og Dagur B. Eggertsson, sitjandi borgarstjóri og oddviti Samfylkingarinnar, komið sér saman um að hittast núna seinni partinn. Einar og Dagur funduðu í dag. Óformlega, að sjálfsögðu, eins og allir hamra á þessa stundina. Vísir/Stöð 2 „Einhverjir hafa verið að tala saman og ég held að það sé nú bara eðlilegt svona í dag að fólk bara kanni hug hvers annars,“ sagði Dagur í samtali við fréttastofu í dag. Hildur Björnsdóttir segist þá hafa verið í samræðum við nokkra oddvita í dag og það segir Þórdís Lóa Þórhallsdóttir, oddviti Viðreisnar, einnig hafa gert. Færri kostir í boði í dag en í gær Ljóst er að meirihlutamyndunin gæti orðið snúin eftir fall meirihluta síðasta kjörtímabils. Og eftir að Líf Magneudóttir eini borgarfulltrúi Vinstri grænna tilkynnti í gær að flokkurinn væri ekki tilbúinn að taka þátt í meirihlutasamstarfi fækkar mögulegum meirihlutum talsvert. Þá hafa Sósíalistar útilokað samstarf við Viðreisn og Sjálfstæðisflokk og Píratar sömuleiðis útilokað að vinna með Sjálfstæðismönnum. Raunhæfasti möguleikinn á myndun þriggja flokka meirihluta væri samstarf Samfylkingar, Framsóknar og Pírata, með 12 fulltrúa, sem er minnsti mögulegi meirihluti í borgarstjórn. Oddviti Viðreisnar lýsti því þó yfir í morgun að Viðreisn, Samfylking og Píratar hefðu ákveðið að halda sig saman um myndun meirihluta og ef þeir kæmust að samkomulagi við Framsókn yrði það 13 fulltrúa meirihluti. Þetta líst Viðreisn vel á. „Það er líklegasti kosturinn já. En það er ýmislegt annað í stöðunni. Ég meina það er allt opið í pólitík,“ segir hún. Þórdís Lóa Þórhallsdóttir, oddviti Viðreisnar.Vísir/Vilhelm Of mikið gert úr orðum Lóu Því var síðan slegið upp á mbl.is í dag að Þórdís Lóa útilokaði ekki að vinna til hægri. Eina stjórnin sem kemur þar til greina væri stjórn Sjálfstæðisflokks, Framsóknar, Viðreisnar og Flokks fólksins, sem hefði 12 fulltrúa. Hildi Björnsdóttur líst vel á þann möguleika. „Það er einn möguleiki í stöðunni og það er svona möguleiki þar sem er nokkuð breið málefnasamstaða fyrir. Þannig að það kæmi vel til skoðunar,“ segir Hildur. Hildur vill komast í meirihluta. Bjarni Bjarnason Þórdís Lóa segir þó of mikið hafa verið gert úr orðum sínum um að útiloka ekki hægristjórn: „Núna erum við búin að gefa þá yfirlýsingu að við ætlum að leiðast með Pírötum og Samfylkingu. Og þar erum við í dag.“ Tvær ólíklegar þriggja flokka stjórnir Til greina koma svo einnig tvær þriggja flokka stjórnir sem yrðu einhvers konar miðjustjórnir með flokkum til hægri og vinstri. Þrír stærstu flokkarnir Sjálfstæðisflokkur, Framsókn og Samfylking gætu myndað 15 manna meirihluta og svo er annar möguleiki í stöðunni - eini meirihlutinn sem hægt er að mynda án Framsóknar. Það væri stjórn Sjálfstæðisflokks, Samfylkingar og Viðreisnar með 12 fulltrúa. Dagur telur þó of mikinn skoðanamun innbyrðis í Sjálfstæðisflokknum koma í veg fyrir þessa meirihlutamyndun. „Það að eiga að verða einhver svona sáttasemjari þeirra á milli. Orkunni og tímanum er kannski ekki vel varið í það,“ segir Dagur.
Sveitarstjórnarkosningar 2022 Reykjavík Framsóknarflokkurinn Samfylkingin Sjálfstæðisflokkurinn Píratar Viðreisn Sósíalistaflokkurinn Vinstri græn Mest lesið Íslensk flugáhöfn horfði á ljónaárás rétt við hótelið Innlent „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Handtekinn eftir hliðarkeyrslu á talsverðum hraða Innlent Huldukona í lykilhlutverki í lygilegu ráðabruggi um símboðana Erlent „Þegar hægrið fær að ráða ferðinni óheft og án alls taumhalds fer illa“ Innlent „Kveður nýjan tón í samstarfinu sem er efnislega lokið“ Innlent „Ein versta nóttin“ í Beirút frá upphafi átaka Erlent Sneri aftur á vettvang banatilræðisins Erlent Mótmælendur hindruðu för lögreglubíls í forgangsakstri Innlent Fleiri fréttir Glerbrot í lauginni „Kveður nýjan tón í samstarfinu sem er efnislega lokið“ Stjónmálafræðingur segir kosningar nær en marga gruni Nýr formaður VG, seðlabankastjóri og ástandið á Gaza Íslensk flugáhöfn horfði á ljónaárás rétt við hótelið Handtekinn eftir hliðarkeyrslu á talsverðum hraða Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Sjá meira