Handbolti

Bjarni Ó­feigur með fimm mörk er Skövde tryggði sig í úr­slit

Runólfur Trausti Þórhallsson skrifar
Bjarni Ófeigur átti stórleik í kvöld.
Bjarni Ófeigur átti stórleik í kvöld. Skövde

Bjarni Ófeigur Valdimarsson og liðsfélagar hans í Skövde eru komnir í úrslitaeinvígi sænsku úrvalsdeildarinnar í handbolta.

Skövde vann Kristianstad með fimm marka mun á útivelli í kvöld, lokatölur 31-36. Um var að ræða fjórða leik liðanna og sigurinn þýðir að Skövde er komið í úrslitaeinvígi deildarinnar.

Bjarni Ófeigur átti frábæran leik í liði Skövde í kvöld. Hann skoraði fimm mörk ásamt því að leggja upp þrjú mörk til viðbótar.

Í úrslitum mætir Skövde annað hvort Sävehof eða Ystad í úrslitum. Deildarkeppnin í Svíþjóð endaði þannig að Sävehof varð deildarmeistari, Skövde kom þar á eftir á meðan Ystad endaði í 4. sæti.

Handbolti Sænski handboltinn

Mest lesið


Fleiri fréttir

Sjá meira


×

Mest lesið