Í Bergsmára í Kópavogi er til sölu sjö herbergja einbýlishús á tveimur hæðum. Eignin er sú vinsælasta á Fasteignavef Vísis í augnablikinu.
Um er að ræða 251,2 fermetra einbýli og uppsett verð er 159.900.000 samkvæmt Fasteignavefnum.
Eignin skiptist í fjögur svefnherbergi, eldhús sem er opið inn til borðstofu og stofu, gestasalerni, baðherbergi, sjónvarpshol, þvottahús, geymslu og bílskúr með geymslulofti.
Núverandi eigendur eru með vel útbúinn líkamsræktarsal í húsinu í sérstöku æfingarrými eins og sjá má á myndunum hér fyrir neðan.
Fasteignaverð hér á landi hefur verið mikið til umræðu síðustu misseri. Fasteignasalinn Páll Pálsson tók saman níu dýrustu eignirnar sem seldar voru á Íslandi árið 2021.
