Fótbolti

Dramatískar lokamínútur þegar Napoli lyfti sér á toppinn

Arnar Geir Halldórsson skrifar
Mark og stoðsending frá Insigne í kvöld.
Mark og stoðsending frá Insigne í kvöld. vísir/getty

Napoli trónir á toppi ítölsku úrvalsdeildarinnar í fótbolta eftir nauman sigur á Lazio í síðasta leik helgarinnar.

Fyrri hálfleikur var markalaus en liðin áttust við í Róm í kvöld.

Heldur fór að færast fjör í leikana síðasta hálftíma leiksins en það hófst með marki Lorenzo Insigne á 62.mínútu.

Pedro jafnaði metin fyrir Lazio á 88.mínútu en þegar fjórar mínútur voru komnar fram yfir venjulegan leiktíma skoraði Fabian Ruiz sigurmark fyrir Napoli.

Napoli hefur jafnmörg stig og AC Milan sem er í öðru sæti en Inter hefur tveimur stigum minna í 3.sæti og á leik til góða. Það stefnir í vægast sagt spennandi baráttu um ítalska meistaratitilinn.

Ítalski boltinn

Mest lesið


Fleiri fréttir

Sjá meira


×

Mest lesið