Fannst skrýtið að sjá lögreglu yfirheyra mann í blóði sínu Kolbeinn Tumi Daðason skrifar 25. febrúar 2022 13:34 Frá vettvangi í Dalseli á Egilsstöðum í ágúst. Guðmundur Hjalti Stefánsson Rúnar Snær Reynisson, fréttamaður Ríkisútvarpsins á Austfjörðum, segir að honum hafi fundist skrýtið að fylgjast með lögreglu yfirheyra mann í blóði sínu á Egilsstöðum í ágúst. Rúnar er meðal vitna í máli héraðssaksóknara gegn Árnmari Jóhanni Guðmundssyni sem sætir ákæru fyrir tvær tilraunir til manndráps. Aðalmeðferð í málinu hófst í gær með skýrslutöku yfir Árnmari, lögreglumönnum, barnsföður kærustu Árnmars, kærustu Ármars og börnum hennar. Hluti þinghaldsins var lokaður í gær, sá er sneri að kærustunni og börnunum. Fyrir dóm í Héraðsdómi Austurlands í dag komu fjölmörg vitni í málinu. Rúnar Snær var þeirra á meðal en hann er búsettur í næsta nágrenni við húsið í Dalseli hvar hleypt var af skotum. Taldi ungt fólk vera að leika sér með hvellhettur Rúnar Snær lýsti því fyrir dómi að hann hefði setið og horft á sjónvarpið að kvöldi 26. ágúst þegar hann heyrði skothvelli. Hvellirnir hafi verið lágir svo hann hafi talið að einhver væri að leika sér með hvellettubyssu. „Ég ætlaði að skamma viðkomandi,“ sagði Rúnar Snær og reyndi að átta sig á því hvaðan hljóðin kæmu. Eftir drjúga stund hefði lögreglubíl með blá ljós verið ekið inn í Dalselið. Hann hafi fylgst með úr hvarfi, heyrt lögregluna kalla að hún væri vopnuð og hvatt viðkomandi í tvígang til að leggja frá sér vopnið. Nokkrum sekúndum síðar hafi brotist út byssubardagi. Hvellirnir hafi verið margir, úr að minnsta kosti tveimur tegundum skotvopna og staðið í þrjár til fimm sekúndur. Hann hafi dregið þá ályktun að lögregla væri að skjóta ungling. Hann hafi farið á stúfana, ekki lagt í að fara inn í Dalselið, ekkert séð og ekkert heyrt. Það hafi verið eins og allt félli í dúnalogn. Hann hafi áfram fylgst með af svölunum, séð fleiri löggur mæta á svæðið, keyra í kring og ályktað sem svo að verið væri að leita að einhverjum. „Í mallann“ Hann hefði talið líklegt að einstaklingur vopnaður byssu hefði farið í Selskóg, skóg í næsta nágrenni. Hann hafi heyrt hróp úr skóginum og talið að vopnaður einstaklingur hefði verið handsamaður þar. Hann hafi aftur farið á stúfana með farsímann að vopni og ætlað að ná myndefni af því þegar viðkomandi yrði stungið í lögreglubíl. Hann hafi verið að koma sér í færi þegar hann heyrði lögreglu segja yfirvegað að hún væri vopnuð og sagt viðkomandi að leggja frá sér vopn. Engin frekari orðaskipti hafi verið. Svo hafi hann heyrt: „Í mallann“, skotið gollið við en um var að ræða þegar lögregla felldi Árnmar með byssuskoti í kviðinn með einu skoti. Eins og lögregla væri að hundskamma fólkið Rúnar Snær sagðist nokkrum sekúndum fyrr hafa kveikt á upptöku og hefði náð myndbandi af því þegar Árnmar féll í jörðina hrópandi af sársauka. Hann hafi látið símann ganga í smá stund, slökkt á upptöku, haft samband við fréttastofu Ríkisútvarpsins og upplýst þau um gang mála. Enn hafi hann farið á stúfana, rætt við nágranna og reynt að átta sig á því hvað hefði gerst. Hann hafi séð lögreglu standa yfir Árnmari, tala við hann eins og þau væru að hundskamma hann. Lögregla hafi spurt hann hvað hann hafi verið að hugsa, hvort hann hefði ekið ölvaður á vettvang og fleira. Rúnar sagði að sér hefði fundist skrýtið að yfirheyra mann þar sem hann lægi í blóði sínu. Skotið fór í hægra lunga mannsins, í gegnum brjóstholið og hafnaði á vegg fyrir aftan hann. Fjallað var um undraverðan bata hans í kvöldfréttum Stöðvar 2 í september. Rúnar segir að í framhaldinu hafi tekið við bið eftir sjúkrabíl og hinn særði svo fluttur af vettvangi. Hann lýsti aðstæðum á vettvangi þannig að skollið hafi verið á myrkur þegar atburðarásin hófst. Götulýsing sé þó góð á svæðinu. Þröstur Jónsson, íbúi í Dalseli, kom einnig fyrir dóminn í dag. Þröstur hefur áður lýst atburðarásinni í fjölmiðlum og sagði fyrir dómi talið að fyrstu skothvellirnir hefðu verið krakkar að leika sér á hjólabrettum. Hann telur að lögreglumaðurinn sem skaut Árnmar hefði verið mjög stressaður, kannski eðlilega í ljósi aðstæðna. Hann hefði endurtekið þrisvar skipun um að Árnmari legði niður vopn áður en hann hleypti af byssunni. Þröstur, sem hefur verið áberandi í sveitarstjórnarmálum á Austfjörðum, er trúaður og færði ákærða Árnmari biblíuna að gjöf í dómssal. Þá kom sjálfstætt starfandi hljóðmaður fyrir dóminn og sagði alveg ljóst að fjórtán sinnum hefði verið hleypt úr byssu á vettvangi. Ellefu sinnum úr byssu lögreglu og þrisvar úr byssu Árnmars. Aðalmeðferð í málinu lýkur í dag með málflutningi saksóknara og verjanda. Dómsmál Múlaþing Skotinn af lögreglu á Egilsstöðum Tengdar fréttir Ágreiningur um fjölda skota og staðsetningu lögreglumanns Lögreglumenn sem tóku þátt í aðgerðum vegna skotárásar á Egilsstöðum í ágúst báru vitni fyrir Héraðsdómi Austurlands í gær. Lögreglumaðurinn sem skaut manninn taldi sig hafa skotið mun sjaldnar úr byssu sinni en kom í ljós í vettvangsrannsókn. 25. febrúar 2022 06:01 Sagðist hafa ætlað að láta lögreglu binda enda á líf sitt Árnmar Jóhannes Guðmundsson, sem skotinn var af lögreglu eftir að hann skaut af byssu á íbúðarhús á Egilsstöðum í ágúst, neitar því að vera sekur um tilraun til manndráps er hann hleypti af byssu í átt að lögreglumönnum á vettvangi. Í dómsal í dag sagðist Árnmar hafa, eftir að það hafði runnið upp fyrir honum hvað hann hafði gert, ætlað að láta lögreglu binda enda á líf sitt. Hann lýsti yfir mikilli eftirsjá vegna málsins. 24. febrúar 2022 14:47 Mest lesið Endalaus þrautaganga Haraldar eftir svörum Innlent Benedikt Sveinsson er látinn Innlent Tuttugu konur saka Mohamed Al Fayed um kynferðisofbeldi Erlent „Afleitt“ að sjá Yazan gerðan að leiksoppi í deilum ráðherra Innlent Höfuðstöðvar nýrrar ríkisstofnunar verða á Hvolsvelli Innlent 20 létust og 450 slösuðust þegar talstöðvarnar sprungu Erlent Sjálfsagt að skoða að semja við önnur ríki um að hýsa erlenda fanga Innlent Vitorðsmaður viðurkennir að hafa gert það sama og Pelicot Erlent Blöskrar markaðssetning á réttum: „Þetta eru eins og jólin fyrir okkur“ Innlent Flugvélarnar sem gerðu Loftleiðir að stórveldi Innlent Fleiri fréttir Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Endalaus þrautaganga Haraldar eftir svörum Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Sjá meira
Aðalmeðferð í málinu hófst í gær með skýrslutöku yfir Árnmari, lögreglumönnum, barnsföður kærustu Árnmars, kærustu Ármars og börnum hennar. Hluti þinghaldsins var lokaður í gær, sá er sneri að kærustunni og börnunum. Fyrir dóm í Héraðsdómi Austurlands í dag komu fjölmörg vitni í málinu. Rúnar Snær var þeirra á meðal en hann er búsettur í næsta nágrenni við húsið í Dalseli hvar hleypt var af skotum. Taldi ungt fólk vera að leika sér með hvellhettur Rúnar Snær lýsti því fyrir dómi að hann hefði setið og horft á sjónvarpið að kvöldi 26. ágúst þegar hann heyrði skothvelli. Hvellirnir hafi verið lágir svo hann hafi talið að einhver væri að leika sér með hvellettubyssu. „Ég ætlaði að skamma viðkomandi,“ sagði Rúnar Snær og reyndi að átta sig á því hvaðan hljóðin kæmu. Eftir drjúga stund hefði lögreglubíl með blá ljós verið ekið inn í Dalselið. Hann hafi fylgst með úr hvarfi, heyrt lögregluna kalla að hún væri vopnuð og hvatt viðkomandi í tvígang til að leggja frá sér vopnið. Nokkrum sekúndum síðar hafi brotist út byssubardagi. Hvellirnir hafi verið margir, úr að minnsta kosti tveimur tegundum skotvopna og staðið í þrjár til fimm sekúndur. Hann hafi dregið þá ályktun að lögregla væri að skjóta ungling. Hann hafi farið á stúfana, ekki lagt í að fara inn í Dalselið, ekkert séð og ekkert heyrt. Það hafi verið eins og allt félli í dúnalogn. Hann hafi áfram fylgst með af svölunum, séð fleiri löggur mæta á svæðið, keyra í kring og ályktað sem svo að verið væri að leita að einhverjum. „Í mallann“ Hann hefði talið líklegt að einstaklingur vopnaður byssu hefði farið í Selskóg, skóg í næsta nágrenni. Hann hafi heyrt hróp úr skóginum og talið að vopnaður einstaklingur hefði verið handsamaður þar. Hann hafi aftur farið á stúfana með farsímann að vopni og ætlað að ná myndefni af því þegar viðkomandi yrði stungið í lögreglubíl. Hann hafi verið að koma sér í færi þegar hann heyrði lögreglu segja yfirvegað að hún væri vopnuð og sagt viðkomandi að leggja frá sér vopn. Engin frekari orðaskipti hafi verið. Svo hafi hann heyrt: „Í mallann“, skotið gollið við en um var að ræða þegar lögregla felldi Árnmar með byssuskoti í kviðinn með einu skoti. Eins og lögregla væri að hundskamma fólkið Rúnar Snær sagðist nokkrum sekúndum fyrr hafa kveikt á upptöku og hefði náð myndbandi af því þegar Árnmar féll í jörðina hrópandi af sársauka. Hann hafi látið símann ganga í smá stund, slökkt á upptöku, haft samband við fréttastofu Ríkisútvarpsins og upplýst þau um gang mála. Enn hafi hann farið á stúfana, rætt við nágranna og reynt að átta sig á því hvað hefði gerst. Hann hafi séð lögreglu standa yfir Árnmari, tala við hann eins og þau væru að hundskamma hann. Lögregla hafi spurt hann hvað hann hafi verið að hugsa, hvort hann hefði ekið ölvaður á vettvang og fleira. Rúnar sagði að sér hefði fundist skrýtið að yfirheyra mann þar sem hann lægi í blóði sínu. Skotið fór í hægra lunga mannsins, í gegnum brjóstholið og hafnaði á vegg fyrir aftan hann. Fjallað var um undraverðan bata hans í kvöldfréttum Stöðvar 2 í september. Rúnar segir að í framhaldinu hafi tekið við bið eftir sjúkrabíl og hinn særði svo fluttur af vettvangi. Hann lýsti aðstæðum á vettvangi þannig að skollið hafi verið á myrkur þegar atburðarásin hófst. Götulýsing sé þó góð á svæðinu. Þröstur Jónsson, íbúi í Dalseli, kom einnig fyrir dóminn í dag. Þröstur hefur áður lýst atburðarásinni í fjölmiðlum og sagði fyrir dómi talið að fyrstu skothvellirnir hefðu verið krakkar að leika sér á hjólabrettum. Hann telur að lögreglumaðurinn sem skaut Árnmar hefði verið mjög stressaður, kannski eðlilega í ljósi aðstæðna. Hann hefði endurtekið þrisvar skipun um að Árnmari legði niður vopn áður en hann hleypti af byssunni. Þröstur, sem hefur verið áberandi í sveitarstjórnarmálum á Austfjörðum, er trúaður og færði ákærða Árnmari biblíuna að gjöf í dómssal. Þá kom sjálfstætt starfandi hljóðmaður fyrir dóminn og sagði alveg ljóst að fjórtán sinnum hefði verið hleypt úr byssu á vettvangi. Ellefu sinnum úr byssu lögreglu og þrisvar úr byssu Árnmars. Aðalmeðferð í málinu lýkur í dag með málflutningi saksóknara og verjanda.
Dómsmál Múlaþing Skotinn af lögreglu á Egilsstöðum Tengdar fréttir Ágreiningur um fjölda skota og staðsetningu lögreglumanns Lögreglumenn sem tóku þátt í aðgerðum vegna skotárásar á Egilsstöðum í ágúst báru vitni fyrir Héraðsdómi Austurlands í gær. Lögreglumaðurinn sem skaut manninn taldi sig hafa skotið mun sjaldnar úr byssu sinni en kom í ljós í vettvangsrannsókn. 25. febrúar 2022 06:01 Sagðist hafa ætlað að láta lögreglu binda enda á líf sitt Árnmar Jóhannes Guðmundsson, sem skotinn var af lögreglu eftir að hann skaut af byssu á íbúðarhús á Egilsstöðum í ágúst, neitar því að vera sekur um tilraun til manndráps er hann hleypti af byssu í átt að lögreglumönnum á vettvangi. Í dómsal í dag sagðist Árnmar hafa, eftir að það hafði runnið upp fyrir honum hvað hann hafði gert, ætlað að láta lögreglu binda enda á líf sitt. Hann lýsti yfir mikilli eftirsjá vegna málsins. 24. febrúar 2022 14:47 Mest lesið Endalaus þrautaganga Haraldar eftir svörum Innlent Benedikt Sveinsson er látinn Innlent Tuttugu konur saka Mohamed Al Fayed um kynferðisofbeldi Erlent „Afleitt“ að sjá Yazan gerðan að leiksoppi í deilum ráðherra Innlent Höfuðstöðvar nýrrar ríkisstofnunar verða á Hvolsvelli Innlent 20 létust og 450 slösuðust þegar talstöðvarnar sprungu Erlent Sjálfsagt að skoða að semja við önnur ríki um að hýsa erlenda fanga Innlent Vitorðsmaður viðurkennir að hafa gert það sama og Pelicot Erlent Blöskrar markaðssetning á réttum: „Þetta eru eins og jólin fyrir okkur“ Innlent Flugvélarnar sem gerðu Loftleiðir að stórveldi Innlent Fleiri fréttir Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Endalaus þrautaganga Haraldar eftir svörum Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Sjá meira
Ágreiningur um fjölda skota og staðsetningu lögreglumanns Lögreglumenn sem tóku þátt í aðgerðum vegna skotárásar á Egilsstöðum í ágúst báru vitni fyrir Héraðsdómi Austurlands í gær. Lögreglumaðurinn sem skaut manninn taldi sig hafa skotið mun sjaldnar úr byssu sinni en kom í ljós í vettvangsrannsókn. 25. febrúar 2022 06:01
Sagðist hafa ætlað að láta lögreglu binda enda á líf sitt Árnmar Jóhannes Guðmundsson, sem skotinn var af lögreglu eftir að hann skaut af byssu á íbúðarhús á Egilsstöðum í ágúst, neitar því að vera sekur um tilraun til manndráps er hann hleypti af byssu í átt að lögreglumönnum á vettvangi. Í dómsal í dag sagðist Árnmar hafa, eftir að það hafði runnið upp fyrir honum hvað hann hafði gert, ætlað að láta lögreglu binda enda á líf sitt. Hann lýsti yfir mikilli eftirsjá vegna málsins. 24. febrúar 2022 14:47