Ósamþykkt 16 fermetra „íbúð“ á 17 og hálfa milljón

Nýlega birtist fasteignaauglýsing á Vísi sem hefur fengið fólk til að reka upp stór augu:

Í umsögn í fasteignaauglýsingunni kemur fram að gólfflötur sé rúmlega sex fermetrum stærri en það sem mælist undir 1,80 í lofthæð og því megi segja að um sér að ræða 22 fermetra. En eignin skiptist í stofu/svefnherbergi, eldhús og snyrtingu og sameiginlegt baðherbergi framan við inngang.“

Þegar komin tilboð í eignina

Þórarinn M. Friðgeirsson fasteignasali segir í samtali við Vísi að sú aðstaða sé eingöngu nýtt af þeim sem tilheyra íbúðinni sem til sölu er.

Vísir hefur fjallað um ófremdarástand á fasteignamarkaði.

Má þetta heita eðlileg verðlagning á þessari tilteknu eign? Því ræður væntanlega markaðurinn. Að sögn Þórarins liggja ekki enn fyrir tilboð nálægt uppsettu verði.

„En ég hef verið að fá tilboð, það er ekkert til á markaðinum og þetta virðist raunin; menn eru komnir í hátt í milljón á fermeter á minnstu íbúðunum. Við eigum eftir að sjá hvað þetta selst á en ég hef grun um að þetta fari ekki á mikil lægra. Ég hef verið að sýna þetta talsvert mikið.“

Þórarinn segist hafa heyrt talað um dæmi þess efnis að eitt herbergi hafi selst á 10 til 12 milljónir. En þetta sé íbúð; stofa og svefnrými.

Rýkur allt út?

„Nei, ekki allt en það er góður gangur í öllu sem maður fær til sölu. Ég hef verið í þessum bransa 32 ár og ég man aldrei annað eins hvað varðar takmarkað framboð á eignum. Og ég hef upplifað hæðir og lægðir.“

Slegist um nánast hvaða eign sem er

Erum við þá að tala um einhvers konar sturlunarástand?

„Já, eða bara sem dæmi. Ég var með íbúð í sölu fyrir mánuði síðan. 

Það mættu 85 á opið hús. Þetta er íbúð í miðborginni. Hún endaði í nokkrum milljónum yfir ásettu verði. 

Ég fékk sex tilboð en gat sagt strax við fólk, en það voru um 10 til 12 önnur tilboð á leiðinni, að það væri komið miklu hærra tilboð en ásett. Þá bakkaði fólk út.“

Þórarinn segir það altalað meðal fasteignasala nú að það þyki hreinlega eitthvað skrýtið ef eign selst ekki út á eina auglýsingu, eins og hann orðar það. Þá fari menn að spyrja sig hvort það sé eitthvað að?

„Markaðurinn er orðinn furðulegur. Fólk ætti að gefa sér tíma í að selja, að öllu jöfnu. Þetta er skrítið ástand. Menn geta baunað á borgina og sagt það vanti þetta og hitt en vandamálið er að ekki er verið að byggja fyrir fyrstu kaupendur. Það liggur fyrir. Við þurfum að byggja Hraunbæinn aftur, það þarf nýtt svoleiðis hverfi, þar sem eru íbúðir hæfilega stórar.“