Fótbolti

Hólmar á Hlíðarenda

Sindri Sverrisson skrifar
Hólmar Örn Eyjólfsson á að baki 19 A-landsleiki og hefur skorað í þeim tvö mörk.
Hólmar Örn Eyjólfsson á að baki 19 A-landsleiki og hefur skorað í þeim tvö mörk. Getty

Valsmenn hafa fengið mikinn liðsstyrk í miðverðinum sterka Hólmari Erni Eyjólfssyni sem skrifað hefur undir samning til þriggja ára við félagið.

Hólmar snýr þar með heim til Íslands eftir langan atvinnumannaferil sem spannar síðustu 14 ár, eða frá því að hann fór ungur að árum til West Ham frá uppeldisfélagi sínu HK. 

Hólmar hefur leikið í Englandi, Þýskalandi, Ísrael, Búlgaríu og Noregi en hann kemur til Vals frá norska liðinu Rosenborg.

Hólmar er 31 árs gamall miðvörður og á að baki 19 leiki fyrir A-landslið Íslands en hann lék síðast með landsliðinu í Þjóðadeildinni síðla árs 2020. Hann var í leikmannahópi Íslands sem fór í fyrsta sinn á HM, í Rússlandi árið 2018.

Valur Pepsi Max-deild karla

Mest lesið


Fleiri fréttir

Sjá meira


×

Mest lesið