Deildi kynferðislegu myndefni af fyrrverandi með alls konar fólki

Kolbeinn Tumi Daðason skrifar 9. febrúar 2022 13:03

Dómur var kveðinn upp í Héraðsdómi Reykjavíkur þann 10. janúar síðastliðinn. Vísir/Vilhelm

Íslenskur karlmaður hefur verið dæmdur í þriggja ára og níu mánaða fangelsi fyrir kynferðisbrot, stórfelldar ærumeiðingar og stórfelld brot í nánu sambandi með því að hafa endurtekið og á alvarlegan hátt ógnað heilsu og velferð fyrrverandi eiginkonu sinnar og barnsmóður. Þá er honum gert að greiða konunni fjórar milljónir króna í miskabætur.

Dómur féll í málinu þann 10. janúar síðastliðinn en var svo birtur á vef Héraðsdóms Reykjavíkur í gær. Dómurinn er langur eða rúmlega sextíu síður. Þriðjungur dómsins eru lýsingar á brotum mannsins.

Hefði hótað birtingu mynda um langt skeið

Karlmaðurinn var dæmdur fyrir að hafa á árunum 2017 til 2019 meðal annars sent á annað hundrað tölvupósta með kynferðislegum ljósmyndum af konunni til vina og kunningja konunnar. Í sumum tilfellum var fjöldi viðtakenda fleiri tugir manna, bæði fólk sem þau þekktu og svo líka einstaka fjölmiðlar.

Í dómi héraðsdóms segir að póstarnir hafi verið til þess fallnir að særa blygðunarsemi konunnar, smána hana og móðga. Konan sagði hótanir um ofbeldi og birtingar á myndunum hafa staðið yfir í lengri tíma áður en karlmaðurinn hafi látið verða af því.

Þá var hann dæmdur fyrir að hafa sent fólkinu tengla á kynferðisleg myndskeið, birt kynferðisleg myndskeið af konunni á vefsíðum og sent henni ærumeiðandi skilaboð í gegnum Viber og Messenger. Sömuleiðis með SMS-skilaboðum og í símtölum sem konan tók sum hver upp.

Dæmi um skilaboð karlmannsins til konunnar má sjá neðst í fréttinni. Aðeins er um brot að ræða af þeim skilaboðum sem send voru. Lesendur eru varaðir við lestri þeirra.

Hefði lofað að eyða myndunum

Fram kemur að fólkið hafi kynnst á netinu árið 2005 og ákveðið ári síðar að að byrja að búa saman. Hún skyldi flytjast frá heimalandi sínu í Asíu til Íslands. Þau skildu nokkru síðar, tóku aftur saman, eignuðust barn, skildu aftur en svo hafi hann í seinni tíð meira og inna dvalist á heimili konunnar.

Tölvupóstarnir innihéldu ekki aðeins kynferðislegar ljósmyndir heldur einnig gróf ummæli um eiginkonuna fyrrverandi, mörg hver af kynferðislegum toga.

Karlmaðurinn neitaði sök í málinu en fram kom í máli hans að þau hefðu staðið í forsjárdeilu. Héraðsdómur taldi þó yfir vafa hafið að hann hefði gerst sekur um öll brotin 136 með tölu. Var litið til þess við ákvörðun refsingar hve mörg, gróf og alvarleg brotin voru.

Hann hefði sýnt barnsmóður sinni og fyrrverandi konu fullkomið virðingarleysi og rofið með grófum hætti trúnað gegn konunni. Myndirnar sem hann dreifði voru meðal annars myndir sem hún hafði sent honum frá heimalandi sínu þegar kynni voru að takast og í framhaldinu á fyrstu stigum sambandsins. Fullyrti hún að maðurinn hefði lofað að eyða myndefninu sem hefði verið tekið.

Vítaverðar hvatir mannsins

Þá segir í niðurstöðu dómsins að vítaverðar hvatir hafi legið að baki verknaði ákærða og tengsla þeirra. Mat dómurinn það þannig að karlmaðurinn ætti sér engar málsbætur. Rannsókn málsins væri umfangsmikil og ekki hægt að líta svo á að hún hefði dregist úr hófi þótt eitt og hálft ár hafi liðið frá því rannsókn hófst og þar til ákæra var gefin út.

Gæsluvarðhald sem karlmaðurinn sætti í nokkrar vikur árið 2019, fyrst eftir handtöku erlendis og svo eftir framsal til Íslands, koma til frádráttar refsingunni. Þá var Nokia Android One sími hans og símkort gerð upptæk.

Dæmi um skilaboð karlmannsins:

Tölvupóstur frá 13. mars kl. 06:41

Efnislína: „Re: […] A“

Texti: „The […] porn actress that works […]. Are the parent ok with this.? The […] porn actress that works […]. Are the parent ok with this.?“

Viðhengi: 98 ljósmyndir.

Fjöldi viðtakenda: 33

Innlegg í Facebook-hóp í mars 2019:

„Ok. Klám sem finnst á netinu er klám og öllum sýnilegt. A. Sem vinnur nú með börnum í […] var að selja af sér klám á netinu og það er ekki við mig að sakast að konan gerði þetta. Það er hins vegar skrýtið og furðulegt að ríða banana og éta hann svo.“ og í framhaldinu sett inn athugsemdir við innlegg sitt, m.a. kynferðislega ljósmynd af A sem var til þess fallin að særa blygðunarsemi hennar og einnig skrifað „Bara vona innilega að börnin ykkar eru ekki […]“.

Skilaboð á Viber í janúar 2019

a. „Farðu og dreptu þig“

b. „Rotta“

c. „Ógeðslegasta mamma heims“

d. „Filipseysk mella hefur meiri móðurást.“

e. sent 2 kynferðislegar myndir af A, þá fyrri með textanum „Just looks like some kind of fetish“ og „Masturbating with a huge cucumber“ og þá síðari með textanum „Why you want such things on public“

f. „you did porn action for money“

Skilaboð á Messenger í desember 2018 og janúar 2019

a. „You really are a fucked up bitch“

b. „You are the stickiest shit ever to walk alive“

c. „Imagine if you where traveling some where alone and then someone raped you a new asshole.“

d. „You stink so much it makes me sick“

e. „If your brain was not apparently totally burned and evil.“

f. „Now go kill your self“

Skilaboð á SMS í nóvember 2017-janúar 2019

a. 3. nóvember 2017: „U r such a piece of stupid shit. Now i have to spend 5000 that could be yours. And you dont even drink.“

b. 3. nóvember 2017: „Fuck you. And try to use your little brain“

c. 29. nóvember 2017: „Djofull ertu geðveik rotta“.

d. 29. nóvember 2017: „Rottastu oni næsta mandarinukassa“

e. 1. janúar 2019: „As his mother you have failed him. During his stay in […]. Regarding him and his father. And today same thing. You fail.“

f. 8. janúar 2019: „Stupid bitch“

g. 8. janúar 2019: „It would be if you stupid ass could do one thing right for your child.“

h. 8. janúar 2019: „Undirförull lygari“

i. 9. janúar 2019: „Drullastu úr landi ógeðslega tík“

j. 9. janúar 2019: „Tikarbörn. Þið hafið þetta á samviskunni.“

k. 12. janúar 2019: „Your a really disturbed mother.“

l. 13. janúar 2019: „You and your stinky ass will meet C when I‘m sure you did not plan kidnapping him“

Ummæli í símtölu í janúar og febrúar 2019

a. 5. janúar: „Hvern djöfulinn á ég að gera þar með svona viðbjóð eins og þig?“

b. 8. janúar: „Fuck you, you fucking bitch.“ og „go fuck yourself“

c. 8. janúar: „You are really stupid.“ og „you are so fucking stupid“

d. 23. janúar: „Gerir þú þér einhverja grein fyrir því hverslags ógeð þú ert?“, „Þú ert alveg snælduvitlaus“, „Þú ert svo fucked up“, „Já, nei, A, þú ert alveg helsteikt“, „Þú ert bara illgjörn“ og „Þú ert svo mikið idjót“.

e. 27. janúar: „fíflið þitt“, „þú ert meira bara fíflið bara skilurðu“ og „Þú lætur eins og vanþroska gerpi allan tímann“

f. 1. febrúar: „þú ert svo heimsk kerling, skilurðu og vitlaus.“, „Allt sem þú tuðar og tautar um er svo vitlaust og heimskt A“, „Þú ert alveg æpandi vitlaus, æpandi vitlaus“, „hættu að láta eins og fáviti“, „fokkaðu þér“ og „jú, þú ert fífl og þú ert pjúra ógeð.“

g. 1. febrúar: „Þú ert það ógeðslegasta sem ég veit í heiminum, þú ert ömurleg manneskja“, „Þú ert skítur skilurðu“, „Þú lætur eins og fokking fífl“, „ég vill ekki að minn […] líði skort, ha en meðan þú lætur eins og fokking apaköttur skilurðu“.

Dómsmál Kynferðisofbeldi

Mest lesið

Fleiri fréttir