Innlent

Vetrarfærð víða og lokað á Hellisheiði og í Þrengslum

Gunnar Reynir Valþórsson skrifar
Færð er víða erfið og leiðirnar milli höfuðborgarinnar og Hveragerðis og Selfoss lokaðar.
Færð er víða erfið og leiðirnar milli höfuðborgarinnar og Hveragerðis og Selfoss lokaðar.

Vetrarfærð er um allt allt land og víða ófært á vegum. Ákveðið var að loka veginum frá Rauðavatni til Hveragerðis rétt fyrir klukkan fjögur í morgun. Hellisheiðinni var lokað í óveðrinu í fyrrinótt og ekki stóð til að opna hana fyrr en í dag.

Þó var fært um Þrengslin en þegar veður fór að versna í nótt var ákveðið að loka þeirri leið einnig, að því er fram kemur í tilkynningu frá Vegagerðinni. 

Á höfuðborgarsvæðinu er snóþekja á vegum og snjóar enn, en unnið er að mokstri. 

Fyrir vestan er Flateyrarvegur lokaður vegna snjóflóðahættu og sömu sögu er að segja um veginn um Súðavíkurhlíð. Þá er lokað um Dynjandisheiði. 

Á Holtavörðuheiði er lokað vegna veðurs og hálka er á Reykjanesbrautinni. Þá er ófært um Mosfellsheiði og Lyngdalsheiði og þæfingsfærð í kringum Þingvallavatn.

Veður Samgöngur

Mest lesið


Fleiri fréttir

Sjá meira


×

Mest lesið