27 sjúk­lingar nú á Land­spítala með Co­vid-19

Þetta kemur fram á vef Landspítalans. Sjúklingum með Covid-19 fækkar þannig á milli daga, en þeir voru 31 í gær. 

Meðalaldur innlagðra er nú sextíu ár.

8.527 sjúklingar eru í Covid-göngudeild spítalans, þar af 3.065 börn. Í gær var staðan þannig að 9.163 sjúklingar voru í Covid-göngudeild spítalans, þar af 3.860 börn.

Covid sýktir starfsmenn Landspítala (í einangrun eða innlögn) eru 202, en voru 217 í gær.

Frá upphafi fjórðu bylgju, 30. júní 2021, hafa verið 400 innlagnir vegna COVID-19 á Landspítala.