Phoenix er með langbesta sigurhlutfallið liðanna þrjátíu í deildinni og hefur unnið 37 sigra en tapað aðeins níu leikjum. Golden State Warriors koma næstir með 34 sigra og 13 töp en Utah er núna með 30 sigra og 18 töp í 4. sæti vesturdeildarinnar.
Hinn 36 ára gamli Chris Paul lék 40 mínútur og skoraði 27 stig, fleiri en hann hefur gert í einum leik í vetur, og þar af komu 15 stig í lokaleikhlutanum þegar Phoenix tryggði sér sigur.
Devin Booker skoraði 33 stig og þeir Paul því samtals 60 af stigum Phoenix. Paul gaf auk þess 14 stoðsendingar og tók níu fráköst.
Chris Paul & Devin Booker combined for 60 points to extend the @Suns win streak to 7! #ValleyProud@CP3: 27 PTS | 9 REB | 14 AST@DevinBook: 33 PTS | 7 REB | 2 STL | 2 BLK pic.twitter.com/XlKE1JglcS
— NBA (@NBA) January 25, 2022
Phoenix hefur aldrei í sögu félagsins verið með betra sigurhlutfall á þessum tímapunkti keppnistímabilsins, en jafnaði met sitt frá tímabilinu 2006-07.
Utah saknaði meðal annars Donovan Mitchell, Rudy Goberg og Mike Conley og varð að sætta sig við áttunda tapið í síðustu ellefu leikjum. Jordan Clarkson var stigahæstur í liðinu með 22 stig.
- Úrslitin í nótt:
- Cleveland 95-93 New York
- New Orleans 117-113 Indiana
- Oklahoma 110-111 Chicago
- Phoenix 115-109 Utah

NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði.