Sport

Fylgstu með þessum á HM í pílukasti

Ingvi Þór Sæmundsson skrifar
Kappar sem vert er að fylgjast með á HM í pílukasti.
Kappar sem vert er að fylgjast með á HM í pílukasti.

Í kvöld hefst heimsmeistaramótið í pílukasti í Alexandra höllinni í London. Mótið nýtur mikilla vinsælda hér á landi og er orðinn ómissandi hluti af aðventunni hjá mörgum.

Samkvæmt veðbönkum eru heimsmeistarinn Gerwyn Price, Michael van Gerwen, Peter Wright og Jonny Clayton líklegastir til afreka á HM.

Vísir fékk Guðna Þorstein Guðjónsson, einn helsta sérfræðing landsins í pílukasti, til að nefna fimm keppendur sem fólk ætti að fylgjast með á HM í ár.

Bradley Brooks

  • Aldur: 21 árs
  • Þjóðerni: Enskur
  • Gælunafn: Bam Bam
  • Inngöngulag: „Booyah“ með Showtek
  • Besti árangur á HM: 1. umferð (2021)
  • Staða á heimslista: 72

„Þetta er ungur strákur sem mætir Skotanum William Borland í áhugaverðum leik í 1. umferð. Sigurvegarinn mætir Ryan Searle í næstu umferð.“

Joe Cullen

  • Aldur: 32 ára
  • Þjóðerni: Enskur
  • Gælunafn: The RockStar
  • Inngöngulag: „Don't Look Back in Anger“ með Oasis
  • Besti árangur á HM: Sextán manna úrslit (2021)
  • Staða á heimslista: 13

„Ég hef mikla trú á honum. Hann er hvað líklegastur til að fara í átta manna úrslit og jafnvel í undanúrslit. Ég er ofboðslega hrifinn af honum. Mér finnst hann geggjaður. Hann gæti orðið „dark horse“ á mótinu.“

Danny Noppert

  • Aldur: 30 ára

  • Þjóðerni: Hollenskur

  • Gælunafn: The Freeze

  • Inngöngulag: „High Hopes“ með Panic! at the Disco

  • Besti árangur á HM: 32 manna úrslit (2020, 2021)

  • Staða á heimslista: 18

„Ég er hrifinn af Noppert frá Hollandi. Hann hefur verið öflugur á árinu.“

Ryan Searle

  • Aldur: 34 ára
  • Þjóðerni: Enskur
  • Gælunafn: Heavy Metal
  • Inngöngulag: „Paranoid“ með Black Sabbath
  • Besti árangur á HM: Sextán manna úrslit (2019, 2021)
  • Staða á heimslista: 15

„Hann gæti reynst [Peter] Wright hættulegur í 4. umferðinni.“

Callan Rydz

  • Aldur: 23 ára
  • Þjóðerni: Enskur
  • Gælunafn: The Riot
  • Inngöngulag: „Hypersonic Missiles“ með Sam Fender
  • Besti árangur á HM: 2. umferð (2020, 2021)
  • Staða á heimslista: 36

„Þessi ungi strákur frá Newcastle er góður.“

Fjórar viðureignir fara fram á HM í dag og hefst bein útsending á Stöð 2 Sport klukkan 19:00.

Pílukast

Mest lesið


Fleiri fréttir

Sjá meira


×

Mest lesið