Grindar­botns­æfingar hafa aldrei verið svona skemmti­legar

„Grindarbotnsæfingar er ekkert sérlega þjált orð. Flestir tengja það við eitthvað sem þeir ættu alltaf að gera en láta þó sitja á hakanum. Við köllum heimasíðuna okkar Píkusport.is því þegar fólk les það þá fara allir að brosa, sumir að hlæja og sumir roðna pínulítið líka. En af því að allir eru orðnir léttir, þá er hægt að tala um eitthvað jafn þungt og erfitt og þvagleka og legsig,“ segir Svanlaug Jóhannsdóttir, annar eigenda Píkusport.is. 

Píkusport.is hóf sölu á Grindarbotnsþjálfanum sem styrkir grindarbotnsvöðvana gegnum tölvuleik, í desember 2020. Lagerinn seldist upp í þrígang á fyrsta mánuði og því má segja að Íslendingar hafi tekið þessari nýjung fagnandi.

„Að minnsta kosti ein af hverjum fjórum konum stríðir við afleiðingar veikra grindarbotnsvöðva. Einkenni geta verið allt frá því að vera smávægileg yfir í það að hafa mjög slæm áhrif á lífsgæði. Með auknum styrkleika og snerpu grindarbotnsins öðlast konur betri heilsu og meiri lífsgæði," segir Svanlaug.

Auðveldara að nenna

„Grindarbotnsþjálfinn hefur þá sérstöðu að hann er tengdur við app í símanum. Lítill stautur er settur í leggöngin og hann tengist með Bluetooth við tölvuleik í símanum. Stauturinn nemur hvað vöðvarnir „kreista mörg grömm“ og gefur endurgjöf á allar æfingar um leið. Það er auðveldara að „nenna“ æfingunum af því maður er bara að leika sér og af því að maður fær stöðuga endurgjöf og skilning á því hvað er betra, sterkara, snarpara og hvað er sannarlega slökun - þá fer manni svo hratt fram."

Vita oft ekki af því

„Aðalvandamálið byrjar yfirleitt við barneignir og getur bæði skánað en líka ýkst eftir það og svo versnað með aldrinum. Oft vita konur ekki að þetta ferli sé hafið og þaðan af síður hvað eigi að gera í því. Þá er svo gott að geta prófað sig áfram með vottað lækningatæki og frábærum leiðbeiningum eins og eru í appinu“ segir Svanlaug og bætir við: „Síðast en ekki síst getur þetta valdið verkjum í kynlífi eða bara áhugaleysi á kynlífi sem getur verið mjög leiðinlegt fyrir innilegt samlíf."

Nýir leikir

Það hefur ýmslegt breyst hjá framleiðendunum frá því að við byrjuðum fyrst að selja Grindarbotnsþjálfann. Leiðbeiningarnar eru svo miklu skýrari og skemmtilegri þannig að það er eiginlega ekki hægt að gera þetta vitlaust. Það góða við þetta er að bara appið breytist þannig að þó að Grindarbotnsþjálfinn sjálfur sé ekki glænýr þá getur maður allaf fengið nýjasta appið frítt. Leikirnir eru líka fjölbreyttari þannig að ef að einhver les þessa grein sem keypti sér Grindarbotnsþjálfa en hefur ekki notað hann í nokkrun tíma þá er tíminn núna til að endurræsa appið!

Stórt falið vandamál

„Ég er búin að lesa mér til um heilsu í u.þ.b. 15 ár og ég skil bara alls ekki að þetta sé það mikið tabú að ég hafði bara alls ekki hugmynd um hversu algengt það er að konur þurfi að fara í aðgerð til þess að hengja upp blöðru og leg. Að geta ekki farið á trampólín með krökkunum eða sippað í CrossFit vegna möguleika á þvagleka er glatað. 

Að finna fyrir verkjum í kynlífi er ömurlegt en svo bara hreinlega vissi ég það ekki að konur aðeins eldri en ég eru margar að upplifa legsig eða blöðrusig sem í sinni verstu mynd lýsir sér þannig að líffærin hreinlega lafa út um leggöngin og það þarf aðgerð til þess að hengja þau upp. Stundum lagar aðgerðin þvagleka, en stundum alls ekki. 

Ég hef lengi leitað að vöru sem gæti hjálpað og verið þýðingarmikil og hélt að ég þyrfti að fara að láta búa hana til sjálf, mér fannst allt eitthvað svo marklaust. Þá loksins fann ég Grindarbotnsþjálfann og hann var fyndinn, skemmtilegur, nákvæmur og ég gat loksins séð nákvæmlega hvað grindarbotninn var að gera. Allt í einu skildi ég allt upp á nýtt! Fékk allt aðra tengingu við grindarbotninn, upplifði í fyrsta skipti að ég væri að gera þær rétt og markvisst,“ segir Svanlaug.

Þýðingarmikill árangur

Fyrir mig beindust því æfingarnar sérstaklega að því að þjálfa hægu vöðvaþræðina í grindarbotninum. Ég var ekki búin að taka eftir því að þetta var ekki eins og ég var fyrir barneignir en nú er ég önnur. 

Mér fannst skemmtilegt hvernig ég fann líka strax mun inni í svefnherberginu og það sem kom mér kannski mest á óvart var hvernig þetta hafði áhrif á það hvernig ég gekk eða líkamsstöðuna. Það var svo allt í einu Ó! – á að gera þetta svona!“ segir Svanlaug og hlær.

Grindarbotnsþjálfinn fæst á pikusport.is og í Hátúni 12 hjá OsteoStrong.