Fótbolti

Guðný spilaði allan leikinn í jafntefli gegn Roma

Arnar Geir Halldórsson skrifar
Guðný Árnadóttir
Guðný Árnadóttir vísir/getty

Guðný Árnadóttir og stöllur hennar í AC Milan eru að berjast í efri hluta ítölsku úrvalsdeildarinnar í fótbolta.

Guðný var á sínum stað í hjarta varnarinnar þegar AC Milan fékk Roma í heimsókn í toppbaráttuslag í dag en liðin voru í 3. og 4.sæti deildarinnar þegar kom að leik dagsins.

Gestirnir komust yfir snemma leik og leiddu í leikhléi. Strax í upphafi síðari hálfleiks jafnaði skoska landsliðskonan Cathy Grimshaw metin fyrir AC Milan.

Fleiri urðu mörkin ekki og 1-1 jafntefli því niðurstaðan.

Guðný lék allan leikinn í vörn AC Milan.

Ítalski boltinn

Mest lesið


Fleiri fréttir

Sjá meira


×

Mest lesið