Þurfa ekki að vera heima með barni þar til það er út­­skrifað úr ein­angrun

Með breytingunni getur barn sem hefur lokið einangrun farið í skólann þó að einhver annar sé enn í einangrun á heimilinu með virkt smit. Hið sama gildir um fólk sem fer til vinnu.

Áður var einangrun sambýlisfólks ekki aflétt fyrr en seinasti heimilismaðurinn var útskrifaður úr einangrun af samkvæmt ákvörðun Covid-19 göngudeildar Landspítalans.

Þetta kemur fram á vef landlæknisembættisins. Í leiðbeiningunum er lögð áhersla á að sá útskrifaði þrífi sig vel áður en hann fer út af heimilinu. Eins þurfi að passa að fatnaður og aðrir hlutir sem fari með honum út af heimilinu séu ómengaðir og hafi ekki verið handfjatlaðir af þeim sem eru enn í einangrun.