Stundar þú líkamsrækt með makanum þínum?

Hvort sem það er að fara reglulega út á stefnumót, spila saman, bjóða vinum í mat, ferðast eða hvað það sem nú er. 

Sum pör deila áhugamálum og önnur ekki en auðvitað er líka mikilvægt fyrir einstaklinga í sambandi að finna tíma fyrir sjálfa sig og sinna áhugamálum sínum og vinum. 

En hvað með líkamsræktina? 

Sumir vilja eiga þann tíma alveg fyrir sjálfan sig og öðrum finnst gott að hafa æfingarfélaga þegar farið er út að ganga, í sund, ræktina eða út að hlaupa. 

Ætli makinn sé tilvalinn æfingarfélagi?

Spurningu vikunnar er að þessu sinni beint til allra sem eru í ástarsambandi. 

Stundar þú einhverskonar líkamsrækt með makanum þínum? 

Vert er að taka það fram að ekki er átt við ástaratlot að þessu sinni heldur annars konar líkamsrækt. 

Makamál hafa síðustu tvö ár spurt lesendur Vísis vikulega um þeirra skoðanir og viðhorf varðandi málefni tengd ástinni, samböndum, tilfinningum og kynlífi.

Fyrir áhugasama er hægt að nálgast allar fyrri Spurningar vikunnar og niðurstöður hér.