Fótbolti

Nafnarnir einum leik frá sínum hundraðasta lands­leik

Runólfur Trausti Þórhallsson skrifar
Birkir Már Sævarsson í leik gærdagsins.
Birkir Már Sævarsson í leik gærdagsins. Vísir/Hulda Margrét

Leikur Íslands og Rúmeníu í undankeppni HM 2022 í knattspyrnu fer ekki í sögubækurnar. Lokatölur 2-0 gestunum í vil og möguleikar Íslands á að komast til Katar í jólafrí á næsta ári litlir sem engir. Birkir Bjarnason og Birkir Már Sævarsson eru þó einu skrefi nær að ná ótrúlegum áfanga með íslenska landsliðinu.

Birkir Már hóf leikinn í hægri bakverði og Birkir Bjarnason var á miðri miðjunni. Þeir hafa báðir átt betri leiki þó svo að þeir hafi verið manna skástir á Laugardalsvelli í leik sem bauð ekki upp á mikið.

Fari svo að nafnarnir spili gegn Norður-Makedóníu á sunnudag eða Þýskalandi á miðvikudag þá hafa þeir spilað 100 leiki fyrir íslenska A-landsliðið. Aðeins einn maður hefur náð þeim áfanga að svo stöddu en það er Rúnar Kristinsson, þjálfari KR í Pepsi Max deild karla.

Rúnar lék á sínum tíma 104 leiki fyrir íslenska landsliðið. Hans fyrsti leikur kom árið 1987 en sá síðasti 2004. Þá voru enn nokkur ár í að Birkir og Birkir myndu spila fyrir landsliðið.

Birkir Már lék sinn fyrsta leik um mitt ár 2007 er Ísland gerði 1-1 jafntefli við Liechtenstein á Laugardalsvelli í undankeppni EM 2008.. Nafni hans Bjarnason lék sinn fyrsta leik um vorið 2010 er Ísland lagði Andorra 4-0 í vináttuleik.

Hvort þeir fái tækifæri til að jafna met Rúnars verður að koma í ljós en Birkir Már er orðinn 36 ára gamall á meðan Birkir Bjarnason er 33 ára.

Birkir Bjarnason fórnar höndum eftir að gott færi fór í súginn.Vísir/Hulda Margrét
Fótbolti HM 2022 í Katar

Tengdar fréttir

Einkunnir Íslands: Birkir Már skástur í gjörbreyttu liði

Mikið breytt lið Íslands frá fyrstu leikjunum í undankeppni HM karla í fótbolta náði ekki að koma í veg fyrir 2-0 tap gegn Rúmeníu á Laugardalsvelli. Birkir Már Sævarsson stóð upp úr í einkunnagjöf Vísis.

Mest lesið


Fleiri fréttir

Sjá meira


×

Mest lesið