Erlent

Fyrsta dauðsfallið á Nýja-Sjálandi sem tengt er bóluefninu frá Pfizer

Hólmfríður Gísladóttir skrifar
Stjórnvöld á Nýja-Sjálandi hafa verið lofuð fyrir aðgerðir sínar en engu að síður eru aðeins 23 prósent þjóðarinnar fullbólusett.
Stjórnvöld á Nýja-Sjálandi hafa verið lofuð fyrir aðgerðir sínar en engu að síður eru aðeins 23 prósent þjóðarinnar fullbólusett. epa/Bianca de Marchi

Yfirvöld á Nýja-Sjálandi hafa tilkynnt um fyrsta dauðsfallið sem er talið tengjast bólusetningu með Covid-19 bóluefninu frá Pfizer. Eftirlitsnefnd segir konuna líklega hafa látist af völdum hjartavöðvabólgu í kjölfar bólusetningar.

Nefndin segir aðra undirliggjandi þætti mögulega hafa átt þátt í dauða konunnar og ekki hefur verið gefinn út formlegur úrskurður um dánarorsök. Nefndin segir hins vegar líklegt að dauðsfallið megi rekja til bólusetningarinnar.

Aldur konunnar hefur ekki verið gefinn upp.

Evrópskir eftirlitsaðilar segja hjartavöðvabólgu afar sjaldgæfa aukaverkun bólusetningar gegn Covid-19 og að ávinningurinn af bólusetningu sé mun meiri en áhættan.

Meðal einkenna hjartavöðvabólgu eru nýtilkominn brjóstverkur, mæði og óeðlilegur hjartsláttur. Þeim sem upplifa þessi einkenni í kjölfar bólusetningar er ráðlagt að leita tafarlaust til læknis.

Nýja-Sjáland Faraldur kórónuveiru (COVID-19) Bólusetningar

Mest lesið


Fleiri fréttir

Sjá meira


×

Mest lesið