22% söluaukning með nýju hillukerfi

RTC hillukerfið er nýjung í verslunarinnréttingum á Íslandi. Kerfið byggir á gormum sem ýta vörunni fremst í hilluna og tryggja þannig sýnileika. Fyrstu rekkarnir eru þegar komnir í notkun hérlendis og lofa afar góðu. Ásýnd vörumerkjanna eykst til muna í versluninni.

„Það er mikil reynsla komin á RTC hillukerfið erlendis og mörg af stærstu vörumerkjum heims vinna með RTC, meðal annars Pepsi, Carrefour og Walmart. Það er engin tilviljun. Samstarf RTC við bresku bensínstöðvakeðjuna Stevenson skilaði til að mynda 22 % söluaukningu á gosi og drykkjarvörum eftir að keðjan tók RTC hillukerfið í notkun,“ segir Ástþór Sindri Eiríksson, framkvæmdastjóri Eiríksson Heildsölu sem fer með umboð RTC á Íslandi. Hann segir mikil tækifæri felast í þeim sýnileika sem hillukerfið bjóði upp á.

„Kerfið er notendavænt og einfaldar verslunarstörfin. Með þessu má standa upp úr í samkeppninni og koma sinni vöru betur á framfæri. Kerfið skapar betra aðgengi fyrir viðskiptavini og sparar einnig vinnu við að fylla á, gormarnir ýta næstu vöru fram um leið og tekið er úr hillunni,“ segir Ástþór.

Sveigjanleiki og umhverfisvæn hönnun

ProfitPusher línan er gerð fyrir margar mismunandi vörur, í plastpokum eða pappakössum. Hæg er að nota mismunandi gorma og framhlið á sama prófíl svo söluaðili er ekki bundinn af einni uppstillingu en getur breytt hilluplássinu eftir þörfum. ProfitPusher línan er einnig 100% endurvinnanleg eftir notkun.

RTC hefur sérhæft sig í FMCG (Fast moving consumer goods) og er lausnin sem RTC hannaði fyrir EcoTrac drykkjaföngin þeirra flaggskip. EcoTrac er búinn til úr 80% endurunnu plasti og er að fullu endurvinnanleg eftir notkun. Til að tryggja hámarks nýtingu á EcoTrac kemur hún með 6 ára ábyrgð sem er lengsta ábyrgð fyrir slíka lausn á markaðnum í dag. 

„Reynslan erlendis frá gefur til kynna að EcoTrac endist yfirleitt lengur en kælarnir sem hún er sett í, sem hlýtur að teljast nokkuð örugg fjárfesting," segir Ástþór. 

„Eiríksson Heildsala býður upp á ráðgjöf, mælingar og uppsetningu á RTC hillukerfinu ásamt öðrum lausnum fyrir verslunarrými, svo sem lýsingu og þjófavörnum. Ef þitt vörumerki eða verslun hefur áhuga á að einfalda verslunarstörf, bæta ásýn og auka sölu með umhverfisvænum búnaði má hafa samband við okkur hér.“