Risakisur og fuglahundar á opnunarhátíð Joserabúðarinnar

Joserabúðin er ný og skemmtileg gæludýrabúð sem opnar í Ögurhvarfi 2, Kópavogi. Opnunarhátíð verður haldin á sjálfan þjóðhátíðardaginn, fimmtudaginn 17. júní. Þar verður m.a. hægt að skoða svokallaðar „risakisur“, en það eru húskettir af stærri gerð en við eigum að venjast. Þá verður sýndur „fuglahundur“ en þar kemur einnig dúfa við sögu. Hundar munu skella sér í hundblautt hundabað fyrir opnunargesti og leysa ýmsar þrautir. Grillaðar verða pylsur ofan í gesti og hundarnir fá pizzu. 

Gæludýr eru velkomin í heimsókn í fylgd með tvífætlingum. 15% opnunarafsláttur verður af öllu í búðinni, aðeins þennan dag og gestir geta átt von á óvæntum gjöfum.

Joserabúðin er alhliða gæludýraverslun sem selur gæðafóður frá Josera og allt sem gæludýrin þurfa. Auk þess er selt hestafóður og fleira sem tengist dýrahaldi. Dagskrá opnunarhátíðar má sjá á Facebook-síðu Joserabúðarinnar.