Þrír börðu aldraðan mann til óbóta með bareflum

Í dagbók lögreglu segir að vitað sé hverjir voru að verki og að málið sé litið mjög alvarlegum augum.

Þar er einnig sagt frá því að maður hafi gengið inn í verslun í Árbæ í dag og hótað þar fólki og verið með yfirgang við viðskiptavini og starfsfólk. Hann fór svo ekki að fyrirmælum lögreglu og var handtekinn og vistaður í fangaklefa.

Einnig barst lögreglunni tilkynning um ökumann sem hafði tekið bensín og gleymt að taka dæluna úr áfyllingaropi bílsins. Sá reyndist svo undir áhrifum fíkniefna. Annar ökumaður var stöðvaður í dag vegna aksturs undir áhrifum fíkniefna og hafði hann verið sviptur ökuréttindum áður. Annar ökumaður sem var stöðvaður reyndist óhæfur í akstri vegna neyslu lyfja.

Þá var ekið á hjólreiðamann í Kópavogi. Í dagbókinni segir að hann hafi hlotið óveruleg meiðsli og að hjálmur hans hafi bjargað miklu.