Þetta á Linda Ben alltaf til í ísskápnum

„Ég fæ mér yfirleitt stórt glas af Innocent Plus með hádegismatnum og græni og appelsínuguli safinn eru uppáhalds þessa dagana. Helstu þægindin við safana er að þeir bjóða upp á fullt af næringarefnum, svipað og þegar ég pressa mér safa sjálf, nema safinn er tilbúinn á flösku. Ég elska að eiga hann alltaf til í ísskápnum,“ segir Linda Ben matarbloggari og eldheitur aðdáandi hreinu safanna frá Innocent en Innocent Plus safarnir eru heilsuvara vikunnar á Vísi.

Stútfullir af næringarefnum og vítamínum

Safarnir innihalda ávexti og grænmeti auk viðbættra vítamína og steinefna. Safarnir eru eingöngu unnir úr ferskum ávöxtum og grænmeti og ávallt notað besta mögulega hráefni sem völ er á. Safarnir eru stútfullir af næringarefnum og í þeim er enginn viðbættur sykur en Linda leggur mikla áherslu á hollt mataræði.

„Öll fjölskyldan mín drekkur Innocent safana og er það alveg heilagt þegar við förum upp í sumarbústað að taka með Innocent safa til að bera fram með morgunmatnum þar.“

Hinn gullni meðalvegur

„Ég hugsa alltaf fyrst og fremst um að næra líkama minn með góðum næringarefnum, þannig kallar líkaminn ósjálfrátt minna á óhollustu. Ég reyni að hugsa eins vel og ég get um heilsuna, hreyfi mig á hverjum degi, borða hollan mat og tem mér að hugsa ávallt jákvætt,“ segir Linda. Hún aðhyllist þó engar öfgar. „Ég legg mikið upp úr hinum gullna meðalvegi og það þýðir að ég neita mér ekki um það sem mér þykir gott og vekur hjá mér gleði, eins og til dæmis að smella í köku.“

Þrjár tegundir og sú fjórða væntanleg

Innocent Plus safarnir eru ný vara á markaði. Þrjár tegundir fást nú þegar: Blue Spark, Wonder Green og Citrus Shield.

• Blue Spark safinn inniheldur epli, guava, kókosvatn og spirulina. Blue Spark er ríkur af B1, B2, B3 og B6 vítamínum, auk C vítamíns. Safinn er afar frískandi og veitir aukna orku.
• Wonder Green inniheldur epli, perur, agúrkur og engifer. Wonder Green er ríkur af B1, B2, B3, B6 og C vítamínum.
• Citrus Shield inniheldur appelsínur, mandarínur, gulrætur og sítrónu með dass af engifer. Safinn er ríkur af B1, B2, B3, B6 og C vítamínum.
• Í næstu viku mun fjórða tegundin bætast við, Rays and Shine og inniheldur hann ananas, passion ávöxt og epli. Rays and Shine inniheldur einnig viðbætt D-vítamín og túrmerik.

Samfélagsleg ábyrgð og umhverfisvæn stefna

Innocent leggur mikla áherslu á að sýna samfélagslega ábyrgð. Þá hefur fyrirtækið frá upphafi gefið 10 % af hagnaði sínum til góðgerðarmála og stutt verkefni í þeim löndum þar sem vörur þeirra eru á markaði. Á innocentfoundation.org er hægt að kynna sér betur þau verkefni sem fyrirtækið hefur verið að styrkja en Innocent hefur meðal annars styrkt Kvennaathvarfið hér á Íslandi.

Umhverfismál eru einnig mikilvæg stefnu fyrirtækisins og hefur Innocent til að mynda lagt áherslu á að minnka notkun plastefna í umbúðir. Á þessu ári hefur fyrirtækið minnkað magn plasts í hverja flösku um 4 g.  Allar innocent flöskur eru unnar úr 50% endurunnu plasti og er stefnt að því að fljótlega verði þær 100% endurunnar. Minnum svo alla á að skila inn öllum innocent flöskum í endurvinnsluna og fá endurgjald fyrir.