Fótbolti

Inter með átta stiga forskot á toppnum

Hjörtur Leó Guðjónsson skrifar
Romelu Lukaku fagnar marki sínu í kvöld.
Romelu Lukaku fagnar marki sínu í kvöld. Mario Carlini / Iguana Press/Getty Images

Bologna tók á móti Inter í Serie A á Ítalíu í kvöld. Inter er í harðri baráttu um titilinn og því kom ekkert annað til greina en sigur. Loktölur 0-1 þar sem Romelu Lukaku skoraði eina mark leiksins.

Nokkuð jafnræði var með liðunum þegar Bologna og Inter mættust í ítalska boltanum í kvöld.

Það tók gestina rétt rúman hálftíma að brjóta ísinn, en þá var á ferðinni Romelu Lukaku sem hefur verið heitur í vetur.

Ekki fengum við að sjá fleiri mörk það sem eftir lifði leiks, en úrslitin þýða að Inter hefur nú átta stiga forskot á toppi ítölsku úrvalsdeildarinnar með einn leik til góða á granna sína í AC Milan sem situr í öðru sæti.

Bologna er enn í þrettánda sæti deildarinnar með 34 stig.

Ítalski boltinn

Mest lesið


Fleiri fréttir

Sjá meira


×

Mest lesið