Fótbolti

Ísak snýr aftur til Keflavíkur eftir EM

Sindri Sverrisson skrifar
Ísak Óli Ólafsson er í U21-landsliðinu sem spilar á EM í næstu viku.
Ísak Óli Ólafsson er í U21-landsliðinu sem spilar á EM í næstu viku. vísir/bára

Miðvörðurinn, og bráðum EM-farinn, Ísak Óli Ólafsson mun spila með Keflavík í Pepsi Max-deildnni í fótbolta í sumar.

Ísak Óli kemur að láni heim til Keflavíkur frá SönderjyskE í dönsku úrvalsdeildinni, þar sem hann varð bikarmeistari á síðustu leiktíð.

Ísak er tvítugur en fór frá Keflavík til SönderjyskE síðla sumars 2019. Hann hefur komið við sögu í fjórum deildarleikjum með SönderjyskE.

Hann er í EM-hópi U21-landsliðs Íslands sem hefur leik í lokakeppni EM næsta fimmtudag í Györ í Ungverjalandi.

Ísak Óli Ólafsson gengur aftur til liðs við Keflavík! Ísak Óli er kominn aftur heim í Bítlabæinn. Ísak Óli sem var á...

Posted by Knattspyrnudeild Keflavíkur on Föstudagur, 19. mars 2021

Ísak var fastamaður í byrjunarliði Keflavíkur í þrjár leiktíðir áður en hann fór út og var 16 ára byrjaður að spila með liðinu. Hann lék tvær leiktíðir í næstefstu deild og eina í efstu deild, árið 2018.

Keflavík verður nýliði í Pepsi Max-deildinni í sumar eftir að hafa unnið sér sæti þar á síðustu leiktíð.

Pepsi Max-deild karla Keflavík ÍF EM U21 í fótbolta 2021

Tengdar fréttir

Sami hópur hjá Davíð Snorra og birtist á heimasíðu UEFA

Davíð Snorri Jónasson, þjálfari 21 árs landsliðsins, opinberaði í dag hópinn sinn fyrir Evrópumótið sem hefst í næstu viku. Þetta voru samt gamlar fréttir því UEFA birti hópinn á heimasíðu sinni á þriðjudaginn.

Mest lesið


Fleiri fréttir

Sjá meira


×

Mest lesið