Körfubolti

Jón Axel öflugur í sigri Fraport Skyliners

Runólfur Trausti Þórhallsson skrifar
Jón Axel var frábær er Skyliners sóttu mikilvægan sigur í Göttingen.
Jón Axel var frábær er Skyliners sóttu mikilvægan sigur í Göttingen. Jürgen Kessler/Getty Images

Jón Axel Guðmundsson átti einkar góðan leik er Fraport Skyliners sóttu sigur í greipar Göttingen í þýsku úrvalsdeildinni í körfubolta. Lokatölur 93-89 Skyliners í vil.

Leikur dagsins var vægast sagt sveiflukenndur og voru heimamenn í Göttingen í frábærum málum fyrir síðasta leikhluta leiksins. Þá munaði fjórtán stigum á liðunum en Frankfurt voru nær óstöðvandi í fjórða leikhluta í dag.

Jón Axel og félagar unnu leikhlutann 31-13 og leikinn þar með 93-89. Frábær endasprettur og mikilvægur sigur Skyliners sem er í harðri baráttu um að komast í úrslitakeppnina.

Jón Axel skoraði 15 stig, tók sex fráköst og gaf fimm stoðsendingar.

Frankfurt er enn í 9. sæti, aðeins tveimur stigum frá sæti í úrslitakeppninni.

Körfubolti Þýski körfuboltinn

Mest lesið


Fleiri fréttir

Sjá meira


×

Mest lesið