Innlent

Samþykktu nýjan kjarasamning með miklum meirihluta

Kolbeinn Tumi Daðason skrifar
Frá undirritun samningsins.
Frá undirritun samningsins. Alcoa Fjarðaál

Kjarasamningur AFLs og Rafiðnaðarsambands Íslands við Alcoa Fjarðaál var samþykktur með 94 prósent greiddra atkvæða. Atkvæðagreiðslu lauk í gær. Á kjörskrá voru 457 starfsmenn og var kjörsókn 72,4 prósent. Samningurinn gildir til þriggja ára, afturvirkt frá 1. mars 2020 að því er segir í tilkynningu frá Alcoa.

Helstu breytingar í nýjum samningi eru launahækkanir og vinnutímastytting, hvort tveggja í líkingu við það sem samið hefur verið um nýlega hjá hinum íslensku álverunum tveimur og í samræmi við Lífskjarasamninginn.

Frá álveri Alcoa á Reyðarfirði.Vísir/Vilhelm

Tor Arne Berg forstjóri Alcoa Fjarðaáls kveðst í tilkynningunni ánægður með samninginn og þann mikla stuðning sem hann fékk meðal starfsmanna í atkvæðagreiðslunni. Hann telur að samningurinn feli í sér mikla kjarabót fyrir starfsfólk Fjarðaáls.

Kjaramál Vinnumarkaður Orkumál Áliðnaður Stóriðja Fjarðabyggð

Mest lesið


Fleiri fréttir

Sjá meira


×

Mest lesið