Sjáðu sigur­mark Elvars á loka­sekúndunum

Skjern var 14-13 yfir í hálfleik en Selfyssingurinn skoraði sigurmarkið rétt áður en flautan gall. Elvar skoraði fjögur mörk í leiknum og lagði hann upp tvö önnur mörk.

Eftir sigurinn er Skjern í sjöunda sæti deildarinnar með 23 stig en ansi þéttur pakki er í efri hluta deildarinnar. Þrjú stig skilja liðið að í sjöunda og fjórða sætinu.

Kristianstad vann góðan sigur á Ystads, 26-22, eftir að hafa verið 10-9 undir í hálfleik. Teitur Örn Einarsson skoraði þrjú mörk og Ólafur Andrés Guðmundsson tvö. Kristianstad er í sjöunda sætinu.

Daníel Freyr Andrésson og félagar í Guif fengu skall gegn Aranas. Aranas var 14-10 yfir í hálfleik og unnu að endingu 32-32. Guif er í níunda sæti deildarinnar.