Dag­skráin í dag: Stór­leikur að Ás­völlum, læri­sveinar Wa­yne Roon­ey og Hruna­menn í heim­sókn á Sel­fossi

Stöð 2 Sport

Klukkan 19.20 mæta Selfyssingar á Ásvelli og mæta þar Haukum í Olís deild karla í handbolta. Um sannkallaðan stórleik er að ræða en Haukar tróna á toppi deildarinnar sem stendur. Gestirnir geta hins vegar jafnað Hauka að stigum með sigri í kvöld þar sem aðeins munar tveimur stigum á liðunum.

Raunar munar aðeins þremur stigum á toppliði Hauka og Val sem situr í fimmta sæti deildarinnar.

Að leik loknum er svo Seinni bylgjan á dagskrá þar sem verður farið yfir allt það helsta sem gerðist í þessari umferð Olís deildar karla í handbolta. Hefst þátturinn klukkan 21.15.

Stöð 2 Sport 2

Leikur Fiorentina og Spezia í Serie A, ítölsku úrvalsdeildinni í knattspyrnu, er á dagskrá klukkan 17.20. Að honum loknum færum við okkur til Englands þar sem Watford tekur á móti Derby County í ensku B-deildinni.

Bæði lið hafa verið á miklu skriði undanfarið og búast má við áhugaverðum leik. Wayne Rooney heftur lyft Derby upp eftir að hann gerðist þjálfari liðsins og heimamenn eru á skriði eftir að hafa skipt um þjálfara í enn eitt skiptið.

Stöð 2 Sport 3

Klukkan 17.50 er leikur Stjörnunnar og ÍA í Lengjubikar karla á dagskrá. Klukkan 19.55 er ferðinni svo heitið á Selfoss þar sem heimamenn taka á móti Hrunamönnum í 1. deildinni í körfubolta.

Um er að ræða nágranna, og fallslag, en Hrunamenn koma frá Flúðum. Selfyssingar eru á botni 1. deildarinnar en Hrunamenn eru í sætinu fyrir ofan og verða liðin jöfn af stigum ef heimamenn vinna leik kvöldsins.

Stöð 2 Sport 4

Real Betis tekur á móti Getafe í La Liga, spænsku úrvalsdeildinni í knattspyrnu, klukkan 19.50.

Stöð 2 Golf

Genesis Invitational-mótið í golfi er á dagskrá klukkan 19.00. Mótið er hluti af PGA-mótaröðinni.