Ríkisstjórnin vinsælli en stjórnarflokkarnir samanlagt Sylvía Hall skrifar 5. janúar 2021 21:00 Tæplega sextíu prósent styðja ríkisstjórnina samkvæmt nýrri könnun Gallup. Vísir/Vilhelm Baldur Þórhallsson, prófessor í stjórnmálafræði, segir stuðning við ríkisstjórnina ágætan ef marka megi kannanir. Þó sé fylgi stjórnarflokkanna ekki í takt við stuðning við ríkisstjórnina og því virðist sem flokkunum sé ekki að takast að ná til sín fylgi. „Það sem vakti athygli mína við þessa könnun er að þessi góði stuðningur við ríkisstjórnina, hann endurspeglar ekki gengi flokkanna sem að henni standa. Ef við tökum saman fylgi þeirra þriggja, þá er það mun minna en traustið sem ríkisstjórnin nýtur,“ sagði Baldur um nýja könnun Gallup, en hann ræddi komandi kosningaár í Reykjavík síðdegis í dag. Tæplega 58 prósent þeirra sem tóku afstöðu sögðust styðja ríkisstjórnina, en samanlagt fylgi ríkisstjórnarflokkanna mælist tæplega 44 prósent. Um 24 prósent myndu þannig kjósa Sjálfstæðisflokk ef gengið yrði til kosninga í dag, tíu prósent Vinstri græn og átta prósent Framsóknarflokk. „Einhverjum finnst ríkisstjórnin standa sig vel í að glíma við Covid og efnahagslegar afleiðingar þess, en þau eru ekki tilbúin til þess að merkja X við flokkana sem að henni standa. Kannski á ríkisstjórnin eitthvað þarna inni - hún getur sótt í þessa aðila sem líkar vel við störf hennar en eru ekki í augnablikinu tilbúnir til þess að kjósa flokkanna,“ segir Baldur. Hann segir stöðuna ágæta fyrir stjórnarflokkanna, en að hans mati þurfa forystumenn þeirra að gera meira til þess að ná til kjósenda og tryggja sér atkvæði. Það séu tækifæri í stöðunni fyrir alla flokka eins og staðan er núna. Baldur Þórhallsson stjórnmálafræðingur.Kristinn Ingvarsson Sérstök gagnrýni á frumvarp ráðherra „Þeir eru farnir og munu í vaxandi mæli fara að reka hornin í hver annan,“ segir Baldur um samstarf stjórnarflokkanna. Frumvarp um Hálendisþjóðgarð sé ein stærsta vísbendingin um það, en flokkarnir hafi þar sýnt hvar þeir standa varðandi málefni hálendisins. „Það er sérstakt að ráðherra í ríkisstjórninni leggi fram frumvarp sem stjórnarþingmenn, og jafnvel ráðherra og leiðtogar samstarfsflokka, gagnrýna nokkuð harðlega í fjölmiðlum. Það hefur ekki verið algengt.“ Hann segir samstarfið hafa gengið vel, í það minnsta opinberlega. Það hafi þó ekki komið honum á óvart að forystumenn flokkanna hafi náð vel saman, og þá hafi þingflokkur Sjálfstæðisflokksins verið nokkuð liðlegur í samstarfinu. Það sé jafnframt eðlilegt að einhver skoðanaskipti séu manna á milli í fjölmiðlum. Þá telur hann líklegt að kórónuveirufaraldurinn geri stjórnarandstöðunni erfitt fyrir, en hún þurfi þó að sækja fram af meiri krafti. Aðstæður ættu að bjóða upp á frekari sóknarfæri fyrir þá, en sem stendur mælist Samfylkingin með mest fylgi allra stjórnarandstöðuflokka, eða sautján prósent. „Stjórnarandstaðan, þeir flokkar sem að henni standa, þeir standa nú bara þokkalega að vígi í könnunum en ekkert mikið meira en það – miðað við það að þeir eru í stjórnarandstöðu og það eru gríðarlegir efnahagslegir örðugleikar í samfélaginu.“ Miðflokkurinn markar sér sérstöðu Fylgi Pírata samkvæmt könnun Gallup er um tólf prósent, aðeins hærra en það mældist í könnun Maskínu sem gerð var fyrir fréttastofu Stöðvar 2, Vísis og Bylgjunnar þegar það mældist 11,2 prósent. Að mati Baldurs þarf að bíða og sjá hvort það skili sér á kjördag, þar sem Píratar hafi oft náð miklu flugi í könnunum. Hann segir áhugavert að fylgjast með Sósíalistaflokknum, sem hefur verið í kringum fjögur prósent líkt og Flokkur fólksins. Sósíalistar séu líklegastir til þess að taka fylgi af Vinstri grænum og mögulega Pírötum. Þá telur hann Miðflokkinn marka sér ákveðna sérstöðu í stjórnmálunum hér á landi, og ólíklegt sé að aðrir flokkar fari sömu leið. Flokkurinn sé jafnframt líklegur til þess að bæta við sig fylgi ef kosningabaráttan gengur vel. „Hann virðist vera að reyna að marka sér ákveðna sérstöðu í íslenskum stjórnmálum, með mikla áherslu á fullveldismálin og sjálfstæði Íslands. Berjast á Íslandi og erlendis gegn réttindum trans fólks og tala fyrir þjóðlegum gildum og Þjóðkirkjunni. Aðrir flokkar eru ekki að fara að feta þennan veg.“ Viðtalið við Baldur má heyra hér að neðan. Alþingi Ríkisstjórn Katrínar Jakobsdóttur Reykjavík síðdegis Skoðanakannanir Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent Mótmælendur hindruðu för lögreglubíls í forgangsakstri Innlent „Þegar hægrið fær að ráða ferðinni óheft og án alls taumhalds fer illa“ Innlent Fagna löngu tímabærri breytingu Innlent Vilhjálmur Hjálmarsson kjörinn varaformaður ÖBÍ Innlent Fannst hann þvingaður til að afsala sér hundinum Innlent Bátarnir frá eldgosinu í Vestmannaeyjum málaðir á vita Innlent Tveir reyndust í skotti bíls Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira
„Það sem vakti athygli mína við þessa könnun er að þessi góði stuðningur við ríkisstjórnina, hann endurspeglar ekki gengi flokkanna sem að henni standa. Ef við tökum saman fylgi þeirra þriggja, þá er það mun minna en traustið sem ríkisstjórnin nýtur,“ sagði Baldur um nýja könnun Gallup, en hann ræddi komandi kosningaár í Reykjavík síðdegis í dag. Tæplega 58 prósent þeirra sem tóku afstöðu sögðust styðja ríkisstjórnina, en samanlagt fylgi ríkisstjórnarflokkanna mælist tæplega 44 prósent. Um 24 prósent myndu þannig kjósa Sjálfstæðisflokk ef gengið yrði til kosninga í dag, tíu prósent Vinstri græn og átta prósent Framsóknarflokk. „Einhverjum finnst ríkisstjórnin standa sig vel í að glíma við Covid og efnahagslegar afleiðingar þess, en þau eru ekki tilbúin til þess að merkja X við flokkana sem að henni standa. Kannski á ríkisstjórnin eitthvað þarna inni - hún getur sótt í þessa aðila sem líkar vel við störf hennar en eru ekki í augnablikinu tilbúnir til þess að kjósa flokkanna,“ segir Baldur. Hann segir stöðuna ágæta fyrir stjórnarflokkanna, en að hans mati þurfa forystumenn þeirra að gera meira til þess að ná til kjósenda og tryggja sér atkvæði. Það séu tækifæri í stöðunni fyrir alla flokka eins og staðan er núna. Baldur Þórhallsson stjórnmálafræðingur.Kristinn Ingvarsson Sérstök gagnrýni á frumvarp ráðherra „Þeir eru farnir og munu í vaxandi mæli fara að reka hornin í hver annan,“ segir Baldur um samstarf stjórnarflokkanna. Frumvarp um Hálendisþjóðgarð sé ein stærsta vísbendingin um það, en flokkarnir hafi þar sýnt hvar þeir standa varðandi málefni hálendisins. „Það er sérstakt að ráðherra í ríkisstjórninni leggi fram frumvarp sem stjórnarþingmenn, og jafnvel ráðherra og leiðtogar samstarfsflokka, gagnrýna nokkuð harðlega í fjölmiðlum. Það hefur ekki verið algengt.“ Hann segir samstarfið hafa gengið vel, í það minnsta opinberlega. Það hafi þó ekki komið honum á óvart að forystumenn flokkanna hafi náð vel saman, og þá hafi þingflokkur Sjálfstæðisflokksins verið nokkuð liðlegur í samstarfinu. Það sé jafnframt eðlilegt að einhver skoðanaskipti séu manna á milli í fjölmiðlum. Þá telur hann líklegt að kórónuveirufaraldurinn geri stjórnarandstöðunni erfitt fyrir, en hún þurfi þó að sækja fram af meiri krafti. Aðstæður ættu að bjóða upp á frekari sóknarfæri fyrir þá, en sem stendur mælist Samfylkingin með mest fylgi allra stjórnarandstöðuflokka, eða sautján prósent. „Stjórnarandstaðan, þeir flokkar sem að henni standa, þeir standa nú bara þokkalega að vígi í könnunum en ekkert mikið meira en það – miðað við það að þeir eru í stjórnarandstöðu og það eru gríðarlegir efnahagslegir örðugleikar í samfélaginu.“ Miðflokkurinn markar sér sérstöðu Fylgi Pírata samkvæmt könnun Gallup er um tólf prósent, aðeins hærra en það mældist í könnun Maskínu sem gerð var fyrir fréttastofu Stöðvar 2, Vísis og Bylgjunnar þegar það mældist 11,2 prósent. Að mati Baldurs þarf að bíða og sjá hvort það skili sér á kjördag, þar sem Píratar hafi oft náð miklu flugi í könnunum. Hann segir áhugavert að fylgjast með Sósíalistaflokknum, sem hefur verið í kringum fjögur prósent líkt og Flokkur fólksins. Sósíalistar séu líklegastir til þess að taka fylgi af Vinstri grænum og mögulega Pírötum. Þá telur hann Miðflokkinn marka sér ákveðna sérstöðu í stjórnmálunum hér á landi, og ólíklegt sé að aðrir flokkar fari sömu leið. Flokkurinn sé jafnframt líklegur til þess að bæta við sig fylgi ef kosningabaráttan gengur vel. „Hann virðist vera að reyna að marka sér ákveðna sérstöðu í íslenskum stjórnmálum, með mikla áherslu á fullveldismálin og sjálfstæði Íslands. Berjast á Íslandi og erlendis gegn réttindum trans fólks og tala fyrir þjóðlegum gildum og Þjóðkirkjunni. Aðrir flokkar eru ekki að fara að feta þennan veg.“ Viðtalið við Baldur má heyra hér að neðan.
Alþingi Ríkisstjórn Katrínar Jakobsdóttur Reykjavík síðdegis Skoðanakannanir Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent Mótmælendur hindruðu för lögreglubíls í forgangsakstri Innlent „Þegar hægrið fær að ráða ferðinni óheft og án alls taumhalds fer illa“ Innlent Fagna löngu tímabærri breytingu Innlent Vilhjálmur Hjálmarsson kjörinn varaformaður ÖBÍ Innlent Fannst hann þvingaður til að afsala sér hundinum Innlent Bátarnir frá eldgosinu í Vestmannaeyjum málaðir á vita Innlent Tveir reyndust í skotti bíls Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira