Starfsfólk lýsir yfir vantrausti á framkvæmdastjórn og kalla eftir því að uppsagnir verði dregnar til baka

Starfsfólk meðferðarsviðs SÁÁ lýsir yfir vantrausti á formann og framkvæmdastjórn SÁÁ. Þetta kemur fram í yfirlýsingu yfir sextíu starfsmanna þar sem þau segja framkomu formannsins og framkvæmdastjórnarinnar hafa valdið því að nú ríki algjört vantraust á milli starfsfólks meðferðarsviðsins og framkvæmdastjórnar.

Vantraustsyfirlýsingin kemur í kjölfar uppsagna átta starfsmanna á Vogi sem leiddu til þess að Valgerður Á. Rúnarsdóttir yfirlæknir sagði sjálf upp störfum. Uppsagnirnar voru án samráðs við hana eða aðra yfirmenn. Formaður SÁÁ hefur boðist til þess að stíga til hliðar vegna málsins.

Sjá einnig: Formaðurinn býðst til að stíga til hliðar og vonar að Valgerður snúi aftur

Í vantraustsyfirlýsingu starfsfólksins segja þau þessa framkomu framkvæmdastjórnarinnar hafa alið á vantrausti og þau lýsa miklum áhyggjum yfir því að ófagleg stjórn félagasamtaka geti haft óskorðað vald yfir rekstri meðferðarsviði og ógnað þar með faglegri starfsemi þess með afdrifaríkum sjálfstæðum ákvörðunum án samráðs við yfirmenn.

„Meðferð SÁÁ byggir á faglegum grunni þar sem stuðst er við vísindalega gagnreyndar aðferðir. Meðferðin er veitt af þverfaglegu teymi fagfólks, læknum, hjúkrunarfræðingum, sjúkraliðum, sálfræðingum og áfengis- og vímefnaráðgjöfum. Ákvörðun framkvæmdastjórnar og formanns er óafsakanleg og vinnur gegn markmiðum SÁÁ um faglega meðferð við fíknisjúkdómi,“ segir í yfirlýsingunni.

Lýsa yfir stuðningi við Valgerði sem íhugar að draga uppsögn sína til baka 

Í yfirlýsingunni er lýsir starfsfólkið yfir fullum stuðningi við Valgerði og segja þau vinnubrögð framkvæmdastjórnarinnar vera vantraustsyfirlýsingu á hennar hendur. Bæði Valgerður og Ingunn Hansdóttir yfirsálfræðingur séu mikilvægar starfseminni og því hafi verið reiðarslag að Ingunni og öðrum sálfræðingum hafi verið sagt upp.

„Framlag Ingunnar Hansdóttir yfirsálfræðings hefur verið ómetanlegt við þróun meðferðar, fræðslu og þjálfun starfsfólks og við mótun framtíðarsýnar meðferðarsviðs.“

Þá fer starfsfólkið fram á það að framkvæmdastjórnin dragi til baka uppsagnir sálfræðinga og lykilstarfsfólks á meðferðarsviði og að framkvæmdastjórnin öll og formaður stígi umsvifalaust til hliðar. Þau vilji að stofnuð verði starfsstjórn þar sem fulltrúar allra meðferðarstétta eigi sæti.

„Við förum þess á leit að heilbrigðisráðherra grípi inn í stöðu mála hjá meðferðarsviði SÁÁ með hverjum þeim hætti sem hann telur sér heimilt. Við teljum þetta vera nauðsynlegt svo ekki hljótist varanlegur skaði af núverandi ástandi fyrir starfsemi SÁÁ og þjónustu stofnunarinnar í þágu sjúklinga.“

Í samtali við fréttastofu segir Valgerður að hún sé tilbúin að skoða möguleikann á að draga uppsögn sína til baka. Það velti þó á breytingum í umgjörð starfseminnar. Yfirvöld þurfi að hjálpa samtökunum í þessari krísu, og brúa bil, þar til hægt er að gera aðrar ráðstafanir til lengri tíma. Mikilvægast sé að Vogur og aðrir starfsstaðir SÁÁ geti sinnt sínum skjólstæðingum.

Undir vantraustsyfirlýsinguna skrifa yfir sextíu starfsmenn meðferðarsviðsins:

Víðir Sigrúnarson, yfirlæknir

Guðbjörn Björnsson, yfirlæknir

Gísli Stefánsson, áfengis- og vímuefnaráðgjafi SÁÁ

Ásgrímur Jörundsson, áfengis- og vímuefnaráðgjafi SÁÁ

Guðmann Magnússon, áfengis- og vímuefnaráðgjafi SÁÁ

Jón Börkur Ákason, áfengis- og vímuefnaráðgjafi SÁÁ

Karl Gunnarsson, dagskrárstjóri göngudeildar SÁÁ

Aðalbjörg Ósk Angantýsdóttir, ráðgjafanemi, SÁÁ

Torfi Hjaltason, dagskrárstjóri meðferðarstöðvarinnar Vík

Hörður J Oddfríðarson, dagskrárstjóri, meðferðarsvið SÁÁ

Sigurður Gunnsteinsson, áfengis- og vímuefnaráðgjafi SÁÁ

Berglind Heimisdóttir, hjúkrunarfræðingur sjúkrahúsinu Vogi

Tinna Dögg Jóhannsdóttir, ráðgjafanemi SÁÁ

Rodrigo Vito Cruz Corcuera, hjúkrunarfræðingur sjúkrahúsinu Vogi

Lea Floresca Esteban, hjúkrunarfræðingur sjúkrahúsinu Vogi

Arndís Ásgeirsdóttir, sjúkraliði, sjúkrahúsinu Vogi

Páll Heiðar Jónsson, sálfræðingur, meðferðarsvið SÁÁ

Guðrún Sigurðardóttir, sjúkraliði, sjúkrahúsinu Vogi

Auður Teitsdóttir, móttökuritari, sjúkrahúsinu Vogi

Ásdís Finnbogadóttir, hjúkrunarfr., aðstoðardeildarstjóri sjúkrahúsinu Vogi

Helga Þormóðsdóttir, sjúkraliði, sjúkrahúsinu Vogi

Bryndís Ólafsdóttir, hjúkrunarfræðingur, deildarstjóri sjúkrahúsinu Vogi

Sandra Björnsdóttir, sjúkraliði, sjúkrahúsinu Vogi

Baldvin Þorsteinsson, ráðgjafanemi SÁÁ

Silja Jónsdóttir, sálfræðingur, meðferðarsvið SÁÁ

Elín Þórdís Meldal, áfengis- og vímuefnaráðgjafi SÁÁ

Jakob Smári Magnússon, ráðgjafanemi SÁÁ

Júlía Guðrún Aspelund, lýðheilsufræðingur, meðfeðrarsvið SÁÁ

Sólborg Indiana Guðjónsdóttir, áfengis- og vímuefnaráðgjafi SÁÁ

Katrín Jónsdóttir, sálfræðingur ungmennadeild SÁÁ

Birkir Björnsson , ráðgjafanemi, SÁÁ

Þóra Björk Ingólfsdóttir, sálfræðingur, meðferðarsvið SÁÁ

Emilija Aleksandraviciene, sjújraliði, sjúkrahúsinu Vogi

Vignir Fannar Valgeirsson, ráðgjafanemi SÁÁ

Tita Valle, hjúkrunarfræðingur, sjúkrahúsinu Vogi

Ingibjörg Jónsdóttir, sjúkraliði, sjúkrahúsinu Vogi

Helga Agnes Björnsdóttir, sjúkraliði, sjúkrahúsinu Vogi

Oddur Sigurjónsson, áfengis- og vímuefnaráðgjafi SÁÁ

Halla Magnúsdóttir, áfengis- og vímuefnaráðgjafi SÁÁ

Sigurbjörg Anna Björnsdóttir, áfengis- og vímuefnaráðgjafi SÁÁ

Jóna Eydís Sigurjónsdóttir, ráðgjafanemi, SÁÁ

Einar Þór Karlsson, ráðgjafanemi, SÁÁ

Ingunn Hekla Jónsdóttir, ráðgjafanemi, SÁÁ

Kristín Lovísa Jóhannsdóttir, hjúkrunarfræðingur, sjúkrahúsinu Vogi

Sunneva Ýr Sævarsdóttir, ráðgjafanemi, SÁÁ

Þorgeir Steingrímsson, ráðgjafarnemi, SÁÁ

Hrefna Mjöll Þórisdóttir, móttökuritari, sjúkrahúsinu Vogi

Sara Karlsdóttir, ráðgjafarnemi, SÁÁ

Rakel Birgisdóttir, áfengis- og vímuefnaráðgjafi SÁÁ

Dagrún Þórný Marínardóttir, læknaritari, sjúkrahúsinu Vogi

Vigdís Margrétardóttir Jónsdóttir, ráðgjafarnemi, SÁÁ

Natasa Stankovics, sjúkraliði, sjúkrahúsinu Vogi

Guðrún Ósk Njálsdóttir, ráðgjafarnemi, SÁÁ

Arnór Björnsson, ráðgjafarnemi, SÁÁ

Hólmfríður Víkingsdóttir, ráðgjafarnemi, SÁÁ

Bryndís Árný Kristínardóttir, sjúkraliðanemi, sjúkrahúsinu Vogi

María Svava Snæfells, ráðgjafarnemi, SÁÁ

Bjarnrún Jónsdóttir, hjúkrunarfræðingur, sjúkrahúsinu Vogi

Kristrún Pétursdóttir, sjúkraliði, sjúkrahúsinu Vogi

Kristín Ólafsdóttir, hjúkrunarfræðingur, sjúkrahúsinu Vogi

Páll Bjarnason, dagsskrárstjóri Vogi

Þórunn Ansnes Bjarnadóttir, ráðgjafarnemi, SÁÁ

Vilborg Þórsdóttir, sjúkraliði, sjúkrahúsinu vogi

Guðrún Eyja Erlingsdóttir, sjúkraliði, sjúkrahúsinu Vogi

Eyþór Jónsson, læknir, sjúkrahúsinu Vogi