Klassískt lag úr Mamma Mia! léttir lundina

Tinni Sveinsson skrifar 23. desember 2020 07:01

Jóhanna Vigdís Arnardóttir , Brynhildur Guðjónsdóttir og fleiri leikkonur Borgarleikhússins eiga sviðið í Jóladagatalinu í dag.

Borgarleikhúsið býður landsmönnum öllum upp á veglega jóladagskrá í formi jóladagatals í ár. Á hverjum degi frá 1. til 24. desember verður opnaður gluggi og listamenn leikhússins gleðja með fjölbreyttum atriðum.

ABBA léttir lund

Gluggi dagsins hefst á því að Brynhildur Borgarleikhússtjóri situr buguð yfir enn einum upplýsingafundi Almannavarna þar sem vonarglætu er erfitt að sjá. Til bjargar koma þá leikkonur Borgarleikhússins með skothelt ráð til að létta lundina, klassískt lag úr Mamma Mia! söngleiknum.

Klippa: Jóladagatal Borgarleikhússins - 23. desember

Von er á sögum, söng og tónlist, fróðleik, gríni og gleði á hverjum degi fram að jólum frá Borgarleikhúsinu. Gluggar í Jóladagatali leikhússins eru birtir daglega hér á Vísi.

Tónlist Jóladagatal Borgarleikhússins Jóladagatal Vísis