Dagskráin í dag: Messi, Ronaldo og Ally Pally

Veislan hefst strax í hádeginu er dagurinn hefst með útsendingu frá Alexandra Palace, Ally Pally, þar sem heimsmeistaramótið í pílu fer fram.

Fyrri útsending dagsins er klukkan 12 og sú síðari klukkan 18. CME Group Tour meistaramótið í golfi er svo á dagskrá Stöð 2 Golf klukkan 18.00 en annars má finna nóg af fótbolta.

Toppliðið á Spáni, Atletico Madrid, mætir Elche á heimavelli klukkan 12.55 og klukkan 15.10 er það Barcelona gegn Valencia.

Real Sociead hefur unnið hug og hjörtu Spánverja á tímabilinu en þeir mæta Levante á heimavelli 17.30 en Cristiano Ronaldo og Juventus félagar hans mæta Parma í kvöld.

Allar útsendingar dagsins má sjá hér.