Fótbolti

Theo Hernandez bjargaði stigi fyrir AC Milan

Arnar Geir Halldórsson skrifar
Tvenna frá bakverði.
Tvenna frá bakverði. vísir/Getty

AC Milan hefur þriggja stiga forystu á toppi ítölsku úrvalsdeildarinnar þegar ellefu umferðum er lokið eftir 2-2 jafntefli gegn Parma í kvöld.

Gestirnir frá Parma komust yfir strax á 13.mínútu með marki Hernani og snemma í síðari hálfleik tvöfaldaði Jasmin Kurtic forystuna fyrir gestina.

Franski varnarmaðurinn Theo Hernandez var fljótur að minnka muninn fyrir AC Milan og hann skoraði svo aftur á lokamínútum leiksins og tryggði sínu liði þar með eitt stig. Lokatölur 2-2.

AC Milan því enn taplaust í deildinni en liðið hefur leikið án sinnar skærustu stjörnu, Zlatan Ibrahimovic, í undanförnum leikjum þar sem Svíinn magnaði er frá vegna meiðsla.

Ítalski boltinn

Mest lesið


Fleiri fréttir

Sjá meira


×

Mest lesið