Handbolti

Aftur vann GOG í Ung­verja­landi | Elvar Örn lék vel í góðum sigri Skjern

Runólfur Trausti Þórhallsson skrifar
Elvar Örn Jónsson átti frábæran leik í kvöld.
Elvar Örn Jónsson átti frábæran leik í kvöld. vísir/getty

Viktor Gísli Hallgrímsson átti frábæran leik er GOG vann Tatabánya í Ungverjalandi annan daginn í röð í Evrópudeildinni í handbolta. Í Danmörku átti Elvar Örn Jónsson góðan leik fyrir Skjern.

Danska liðið GOG sótti fjögur stig til Ungverjalands en liðið mætti heimamönnum Tatabánya í tveimur leikjum. Sömdu liðin um að spila báða leikina í Ungverjalandi vegna kórónufaraldursins.

Eftir að hafa unnið þriggja marka sigur í gær, 35-32, þá vann liðið tveggja marka sigur í kvöld. Lokatölur leiksins 30-28. Viktor Gísli átti mjög góðan leik í marki GOG en hann varði 14 skot í leiknum.

GOG er sem stendur jafnt Rhein-Neckar Löwen á toppi D-riðils Evrópudeildarinnar með sex stig. Þýska liðið á þó tvo leiki til góða á Viktor Gísla og félaga. Fjögur efstu lið riðilsins komast áfram í 16-liða úrslit keppninnar.

Í dönsku úrvalsdeildinni vann Skjern góðan sex marka sigur á Fredericia, lokatölur 36-30. Elvar Örn Jónsson skoraði fimm mörk í liði Skjern í kvöld.

Skjern er sem stendur í fimmta sæti með nítján stig að loknum sextán leikjum.

Handbolti Danski handboltinn

Tengdar fréttir

Viktor Gísli varði átta skot í naumum Evrópu­sigri

Viktor Gísli Hallgrímsson, markvörður danska handboltaliðsins GOG sem og íslenska landsliðsins, varði átta skot er liðið vann nauman þriggja marka sigur á ungverska liðinu Tatabánya KC í kvöld. Lokatölur leiksins 32-35.

Mest lesið


Fleiri fréttir

Sjá meira


×

Mest lesið