Hvaða leik­menn græða mest á því að EM fari fram ári síðar en upp­haf­lega stóð til? [Fyrri hluti]

Upphaflega til stóð að mótið færi fram næsta sumar, 2021 en vegna kórónufaraldursins var mótið fært. Fresta þurfti EM karla í knattspyrnu um ár svo það færðist fram til næsta sumars. Það var ekki talið mögulegt að halda bæði EM karla og kvenna á sama tíma og því var EM kvenna fært til ársins 2022.

Ísland tryggði sér sæti á EM með 1-0 sigri á Ungverjalandi ytra í liðinni viku. Sigurmarkið skoraði Berglind Björg Þorvaldsdóttir og var það í glæsilegri kantinum.

Ár getur verið mjög langur tími í fótbolta. Ungir leikmenn geta nýtt tækifærið og orðið fastamenn í liðum sínum, spyrjið bara Sveindísi Jane Jónsdóttur. Þá gætu eldri leikmenn einnig misst dampinn sem og sæti sitt í bæði félagsliði eða landsliði.

Leikmenn sem hafa verið frá vegna barnsburðar gætu grætt á slíkri frestun en þónokkuð er um slíkt í íslenska liðinu þessa dagana.

Hér að neðan má sjá fyrri hluta listans en sá síðari verður birtur á morgun. Taka skal fram að listinn er aðeins getgátur og hefur ekkert að segja um skoðun blaðamanns eða Vísis á leikmönnum eða landsliðsvali Íslands.

Guðbjörg Gunnarsdóttir, Djurgårdens | 35 ára markvörður

Guðbjörg Gunnarsdóttir hefur verið frá vegna barnsburðar undanfarna mánuði og lék til að mynda ekkert með íslenska liðinu í undankeppni EM 2021 [2022]. Þar áður var hún hins vegar aðalmarkvörður Íslands til fjölda ára. 

Stóð Guðbjörg vaktina í marki Íslands á EM 2013 og 2017. Alls hefur hún leikið 64 leiki fyrir A-landslið Íslands

Sandra Sigurðardóttir, markvörður Vals, leysti Guðbjörgu af í undankeppni EM 2022 og stóð sig með prýði. Fékk íslenska liðið til að mynda aðeins á sig fimm mörk í átta leikjum undankeppninnar.

Hin 35 ára gamla Guðbjörg var mætt aftur í mark Djurgårdens undir lok tímabilsins í Svíþjóð sem lauk nú nýverið og átti stóran þátt í að liðið hélt sæti sínu í deildinni. Djurgårdens fékk ekki á sig mark í síðustu tveimur leikjum tímabilsins.

Hefði mótið farið fram næsta sumar hefði Sandra ef til vill haldið sæti sínu en það er ljóst að Guðbjörg mun sjá til þess að Jón Þór Hauksson og Ian Jeffs, þjálfarateymi Íslands, verða með höfuðverk þegar kemur að því að velja markvörð fyrir fyrsta leik Íslands á EM í Englandi.

Sif Atladóttir, Kristianstads | 35 ára miðvörður

Sif Atladóttir, jafnaldri Guðbjargar, hefur einnig verið frá vegna barnsburðar. Eignaðist sitt annað barn nú í september. Sif lék þó með Íslandií undankeppni EM 2022 og stóð vaktina í vörninni er Ísland vann Ungverjaland 4-1 á Laugardalsvelli og Lettland ytra 6-0.

Sif á að baki 82 landsleiki fyrir íslenska liðið og hefur spilað sig inn í hjörtu þjóðarinnar enda það sem maður kallar varnarmann af gamla skólanum. Hún hikar ekki við að henda sér í tæklingar og svo er býr hún yfir hinu íslenska leynivopni, það er að segja löngum innköstum.

Sif hefur verið atvinnumaður til fjölda ára og jafnframt fastamaður í íslenska liðinu. Hefur hún verið hluti af íslenska liðinu á öllum þremur Evrópumótunum til þessa. Hún lék hins vegar ekkert á nýafstöðnu tímabili í Svíþjóð og hefði þar af leiðandi eflaust misst af EM ef mótið færi fram næsta sumar.

Í ljósi frábærrar frammistöðu Ingibjargar Sigurðardóttur í Noregi og svo Glódísar Perlu Viggósdóttur í Svíþjóð er ljóst að Sif hefði ekki getað gengið að sæti sínu í landsliðinu að vísu allavega. Áður en Sif fór í barneignarleyfi var Ingibjörg notuð í hægri bakverði landsliðsins en undanfarið hafa hún og Glódís Perla myndað einkar öflugt miðvarðarpar.

Sif hefur farið mikinn utan vallar og barist fyrir réttindum leikmanna þegar kemur að barneignum. Nú loksins hefur FIFA birt tillögur þess efnis að atvinnumenn eigi rétt á bótum og samningsvernd verði þeir óléttir. Ræddi Sif það til að mynda við Fréttablaðið nýverið.

Sif ræddi nýverið við Fréttablaðið um barnsburðinn og tillögur FIFA þess efnis að atvinnumenn ættu rétt á bótum er þeir yrðu óléttir. Segir hún að barnsburður hafi verið „ákveðinn dauðadómur“ fram að því enda knattspyrnukonur lítið verndaðar þegar kemur að saming

Selma Sól Magnúsdóttir, Breiðablik | 22 ára miðjumaður

Ef til vill undarlegt að nefna hér leikmann sem á aðeins að baki 14 leiki fyrir A-landsliðið en Selma Sól hefur verið að glíma við mikil meiðsli undanfarin ár og missti til að mynda af öllum leikjum Breiðabliks í sumar.

Selma Sól var hluti af íslenska liðinu í undankeppni HM 2019 og byrjaði til að mynda gegn Þýskalandi og Tékklandi, tveimur af sterkustu liðum riðilsins.

Íslenska liðið hefur verið að spila 4-4-2 undanfarið með Gunnhildi Yrsu Jónsdóttur, miðjuman að upplagi í hægri bakverði. Ef leikmannahópur Íslands í undanförnum leikjum er skoðaður er ekki mikið um hreinræktaða miðjumenn í liðinu og því ætti Selma Sól að eiga möguleika á að fara með til Englands nái hún sér af meiðslum.

Sömu sögu er að segja af Dagnýju Brynjarsdóttur.