Stúdentar við HÍ æfir vegna fyrirkomulags lokaprófa Elín Margrét Böðvarsdóttir skrifar 11. nóvember 2020 18:33 Háskóli íslands. Vísir/Vilhelm Fjöldi lokaprófa við Háskóla Íslands, einkum á heilbrigðisvísindasviði, mun fara fram í formi staðprófs, sem krefst þess að nemendur mæti í persónu og sitji próf í kennslustofu, þrátt fyrir fyrri yfirlýsingu rektors um að lokapróf á þessari önn muni fara fram á netinu sem fjarpróf, nema í undantekningartilfellum. Stúdentaráð Háskóla Íslands lýsir verulegum vonbrigðum með þetta fyrirkomulag og krefst þess að skólinn bregðist við með sanngjarnari hætti. Jón Atli Benediktsson, rektor HÍ, sendi nemendum póst þann 2. nóvember þar sem segir að próf muni fara fram á netinu nema í undantekningatilvikum, svo sem svokölluð samkeppnispróf og „tiltekin próf þar sem gæði námsmats og jafnræði nemenda verða ekki tryggð á netinu,“ líkt og það er orðað í bréfi rektors. Heimilt sé að halda „samkeppnispróf, þýðingarmikil lokapróf og staðbundnar námslotur fyrir allt að 30 manns í vel loftræstum rýmum,“ en það verði undir hverju fræðasviði og deildum komið að ákveða í samráði við kennslusvið hvaða próf falla undir undanþáguákvæðið. Meirihluti prófa á heilbrigðisvísindasviði í persónu Í dag voru birtir listar yfir fyrirkomulag lokaprófa eftir deildum þar sem í ljós kemur að undanþáguákvæðið hafi verið nýtt í miklum mæli í sumum deildum skólans, einkum á heilbrigðisvísindasviði. „Ef við skoðum tölfræðina í þessu eru niðurstöðurnar sláandi. Heilbrigðisvísindasvið er með lang flest skrifleg próf eða 64%. Til samanburðar má nefna að Hugvísindasvið er með 1% skrifleg lokapróf og Félagsvísindasvið 5%,“ segir í yfirlýsingu frá hópi nemenda í lífeindafræði við HÍ sem send var meðal annars á rektor, menntamálaráðherra og fjölmiðla í dag. „Þessar niðurstöður geta ekki talist boðlegar. Okkur þykir það afskaplega furðulegt að önnur svið innan Háskólans geti brugðist við breyttum aðstæðum og fundið nýjar lausnir til að þreyta lokapróf heima en okkar svið, Heilbrigðisvísindasvið sjái sér ekki fært að koma til móts við aðstæður samfélagsins,“ segir ennfremur í yfirlýsingunni. „Við höfum ekki mátt mæta í skólann í vetur og því þykir okkur óábyrgt og algjörlega úr takti að eiga svo að mæta í hópum til að þreyta lokaprófin. Einnig má nefna að aðstæður nemenda eru misjafnar og taka þarf tillit til þess að margir eru með undirliggjandi sjúkdóma, andlega og líkamlega, mismunandi fjölskylduaðstæður og annað slíkt sem stangast alfarið á við þetta að eiga að mæta inn í stærri hópa en tilmæli sóttvarnarteymisins kveða á um, og það rétt fyrir jól.“ Auk yfirlýsingarinnar frá nemendum í lífeindafræði hefur fréttastofu í dag borist fjölmargar ábendingar frá áhyggjufullum námsmönnum við HÍ sem eru óánægðir með fyrirkomulagið. Þess má geta að í fyrstu bylgju faraldursins í vor var ekki gert ráð fyrir að próf færu fram í húsakynnum háskólans. Stúdentaráð Háskóla Íslands hefur jafnframt sent frá sér yfirlýsingu. „Það er ljóst á niðurstöðum könnunar Stúdentaráðs, á líðan og stöðu nemenda í námi, að aðstæður sökum COVID-19 séu að leggjast þungt á stúdenta og er mikill meirihluti þeirra að upplifa álag sem þau telja að hafi áhrif á námsframvindu sína,“ segir í yfirlýsingu SHÍ. Ráðið hafi farið fram á að námsmatið verði endurskoðað og gagnrýnt reglugerð ráðherra um takmörkun á skólastarfi vegna hertra sóttvarnaaðgerða. Reglugerðin hafi að mati Stúdentaráðs tekið lítið sem ekkert tillit til stúdenta. „Stúdentaráð hefur krafist þess að Háskóli Íslands bregðist við með sanngjörum hætti og telur viðbrögð þessi ekki fullnægjandi. Þrátt fyrir að faraldurinn komi í bylgjum er ekki boðlegt að neyða nemendur til að taka staðpróf og bjóða ekki upp á aðrar lausnir, einna helst þegar flest allt nám hefur verið rafrænt á misserinu,“ segir í yfirlýsingu Stúdentaráðs. Erlendir nemar vilji komast heim Þá er hafin undirskriftasöfnun þar sem erlendir námsmenn við Háskóla Íslands krefjast þess að boðið verði upp á að taka prófin rafrænt. „Margir erlendir nemendur vilja fara til heimalanda sinna en eru fastir á Íslandi þar sem ekki hefur verið ákveðið hvort lokaprófin verði á netinu. Kostnaður vegna uppihalds á Íslandi er með því hæsta sem þekkist í heiminum og eiga margir námsmenn erfitt með að hafa efni á því. Við biðjum Háskóla Íslands um að hafa öll prófin á netinu svo við getum yfirgefið landið og farið heim til fjölskyldna okkar og ástvina,“ segir í lýsingu með undirskriftasöfnuninni sem gerð er í nafni John B. Skóla - og menntamál Faraldur kórónuveiru (COVID-19) Samkomubann á Íslandi Mest lesið Sánuferðir hafi svipuð áhrif á hjartað og líkamsrækt Innlent Segir ríkið bera ábyrgð í máli mannsins á Hverfisgötu Innlent Dæmdur fyrir brot gegn fimmtán börnum í viðbót Innlent Samþykktu fangaskipti á næstu dögum Erlent Keilusambandið sakað um djúpstæða spillingu Innlent Sýknaðir af ákæru fyrir að brjótast inn í eigið hús Innlent „Ekkert nema gott að segja fyrir gróðurinn og sálarlíf landsmanna“ Veður Tugmilljóna gjaldþrot meðhöndlarans Innlent Úlfar heldur fullum launum í heilt ár Innlent Hefur áhyggjur af öryggi skólabarna í Laugardal Innlent Fleiri fréttir Sánuferðir hafi svipuð áhrif á hjartað og líkamsrækt Segir ríkið bera ábyrgð í máli mannsins á Hverfisgötu Björgunarmiðstöð byggð á Flúðum Eftirspurn á hlutabréfamarkaði mikil og blómstrandi gróður Sýknaðir af ákæru fyrir að brjótast inn í eigið hús Hvetja stjórnvöld í Ísrael til að breyta stefnu sinni tafarlaust Hefur áhyggjur af öryggi skólabarna í Laugardal Úlfar heldur fullum launum í heilt ár Keilusambandið sakað um djúpstæða spillingu Umferðarljós við gatnamót Kringlumýrarbrautar og Miklubrautar óvirk Óheillaskref að áfengi sé selt á vellinum Mikið viðbragð Gæslunnar vegna veikinda langt úti á hafi Tugmilljóna gjaldþrot meðhöndlarans Bein útsending: Sterkari saman - Þjóðarsjúkrahús í 25 ár Afstaða fær 600 þúsund í verðlaun frá Reykjavíkurborg Dæmdur fyrir brot gegn fimmtán börnum í viðbót Sakar RÚV um óvandaðan fréttaflutning um fjármál borgarinnar Rafmagnslaust á Granda Nítján í haldi vegna fíkniefnainnflutnings um Keflavíkurflugvöll Mál Margeirs til Landsréttar Fjármálaráðherra ánægður með söluna á Íslandsbanka Hvetja kattaeigendur til að setja kettina í útivistarbann „Nú er verkstjórn tekin við sem gengur í málið“ Þrír grunaðir í tengslum við brunann á Stuðlum Ökumenn séu oft með óþarfa munnsöfnuð og fingurinn á lofti Vó að æru Margeirs með því að færa hann til í starfi Óvíst hvar börnin lenda í haust Kölluð út vegna slagsmála og svo aftur vegna berserksgangs sama manns Villta vestrið ríki á íþróttaviðburðum og kalla eftir reglum Ísland geti orðið fyrirmyndarríki í fangelsismálum Sjá meira
Fjöldi lokaprófa við Háskóla Íslands, einkum á heilbrigðisvísindasviði, mun fara fram í formi staðprófs, sem krefst þess að nemendur mæti í persónu og sitji próf í kennslustofu, þrátt fyrir fyrri yfirlýsingu rektors um að lokapróf á þessari önn muni fara fram á netinu sem fjarpróf, nema í undantekningartilfellum. Stúdentaráð Háskóla Íslands lýsir verulegum vonbrigðum með þetta fyrirkomulag og krefst þess að skólinn bregðist við með sanngjarnari hætti. Jón Atli Benediktsson, rektor HÍ, sendi nemendum póst þann 2. nóvember þar sem segir að próf muni fara fram á netinu nema í undantekningatilvikum, svo sem svokölluð samkeppnispróf og „tiltekin próf þar sem gæði námsmats og jafnræði nemenda verða ekki tryggð á netinu,“ líkt og það er orðað í bréfi rektors. Heimilt sé að halda „samkeppnispróf, þýðingarmikil lokapróf og staðbundnar námslotur fyrir allt að 30 manns í vel loftræstum rýmum,“ en það verði undir hverju fræðasviði og deildum komið að ákveða í samráði við kennslusvið hvaða próf falla undir undanþáguákvæðið. Meirihluti prófa á heilbrigðisvísindasviði í persónu Í dag voru birtir listar yfir fyrirkomulag lokaprófa eftir deildum þar sem í ljós kemur að undanþáguákvæðið hafi verið nýtt í miklum mæli í sumum deildum skólans, einkum á heilbrigðisvísindasviði. „Ef við skoðum tölfræðina í þessu eru niðurstöðurnar sláandi. Heilbrigðisvísindasvið er með lang flest skrifleg próf eða 64%. Til samanburðar má nefna að Hugvísindasvið er með 1% skrifleg lokapróf og Félagsvísindasvið 5%,“ segir í yfirlýsingu frá hópi nemenda í lífeindafræði við HÍ sem send var meðal annars á rektor, menntamálaráðherra og fjölmiðla í dag. „Þessar niðurstöður geta ekki talist boðlegar. Okkur þykir það afskaplega furðulegt að önnur svið innan Háskólans geti brugðist við breyttum aðstæðum og fundið nýjar lausnir til að þreyta lokapróf heima en okkar svið, Heilbrigðisvísindasvið sjái sér ekki fært að koma til móts við aðstæður samfélagsins,“ segir ennfremur í yfirlýsingunni. „Við höfum ekki mátt mæta í skólann í vetur og því þykir okkur óábyrgt og algjörlega úr takti að eiga svo að mæta í hópum til að þreyta lokaprófin. Einnig má nefna að aðstæður nemenda eru misjafnar og taka þarf tillit til þess að margir eru með undirliggjandi sjúkdóma, andlega og líkamlega, mismunandi fjölskylduaðstæður og annað slíkt sem stangast alfarið á við þetta að eiga að mæta inn í stærri hópa en tilmæli sóttvarnarteymisins kveða á um, og það rétt fyrir jól.“ Auk yfirlýsingarinnar frá nemendum í lífeindafræði hefur fréttastofu í dag borist fjölmargar ábendingar frá áhyggjufullum námsmönnum við HÍ sem eru óánægðir með fyrirkomulagið. Þess má geta að í fyrstu bylgju faraldursins í vor var ekki gert ráð fyrir að próf færu fram í húsakynnum háskólans. Stúdentaráð Háskóla Íslands hefur jafnframt sent frá sér yfirlýsingu. „Það er ljóst á niðurstöðum könnunar Stúdentaráðs, á líðan og stöðu nemenda í námi, að aðstæður sökum COVID-19 séu að leggjast þungt á stúdenta og er mikill meirihluti þeirra að upplifa álag sem þau telja að hafi áhrif á námsframvindu sína,“ segir í yfirlýsingu SHÍ. Ráðið hafi farið fram á að námsmatið verði endurskoðað og gagnrýnt reglugerð ráðherra um takmörkun á skólastarfi vegna hertra sóttvarnaaðgerða. Reglugerðin hafi að mati Stúdentaráðs tekið lítið sem ekkert tillit til stúdenta. „Stúdentaráð hefur krafist þess að Háskóli Íslands bregðist við með sanngjörum hætti og telur viðbrögð þessi ekki fullnægjandi. Þrátt fyrir að faraldurinn komi í bylgjum er ekki boðlegt að neyða nemendur til að taka staðpróf og bjóða ekki upp á aðrar lausnir, einna helst þegar flest allt nám hefur verið rafrænt á misserinu,“ segir í yfirlýsingu Stúdentaráðs. Erlendir nemar vilji komast heim Þá er hafin undirskriftasöfnun þar sem erlendir námsmenn við Háskóla Íslands krefjast þess að boðið verði upp á að taka prófin rafrænt. „Margir erlendir nemendur vilja fara til heimalanda sinna en eru fastir á Íslandi þar sem ekki hefur verið ákveðið hvort lokaprófin verði á netinu. Kostnaður vegna uppihalds á Íslandi er með því hæsta sem þekkist í heiminum og eiga margir námsmenn erfitt með að hafa efni á því. Við biðjum Háskóla Íslands um að hafa öll prófin á netinu svo við getum yfirgefið landið og farið heim til fjölskyldna okkar og ástvina,“ segir í lýsingu með undirskriftasöfnuninni sem gerð er í nafni John B.
Skóla - og menntamál Faraldur kórónuveiru (COVID-19) Samkomubann á Íslandi Mest lesið Sánuferðir hafi svipuð áhrif á hjartað og líkamsrækt Innlent Segir ríkið bera ábyrgð í máli mannsins á Hverfisgötu Innlent Dæmdur fyrir brot gegn fimmtán börnum í viðbót Innlent Samþykktu fangaskipti á næstu dögum Erlent Keilusambandið sakað um djúpstæða spillingu Innlent Sýknaðir af ákæru fyrir að brjótast inn í eigið hús Innlent „Ekkert nema gott að segja fyrir gróðurinn og sálarlíf landsmanna“ Veður Tugmilljóna gjaldþrot meðhöndlarans Innlent Úlfar heldur fullum launum í heilt ár Innlent Hefur áhyggjur af öryggi skólabarna í Laugardal Innlent Fleiri fréttir Sánuferðir hafi svipuð áhrif á hjartað og líkamsrækt Segir ríkið bera ábyrgð í máli mannsins á Hverfisgötu Björgunarmiðstöð byggð á Flúðum Eftirspurn á hlutabréfamarkaði mikil og blómstrandi gróður Sýknaðir af ákæru fyrir að brjótast inn í eigið hús Hvetja stjórnvöld í Ísrael til að breyta stefnu sinni tafarlaust Hefur áhyggjur af öryggi skólabarna í Laugardal Úlfar heldur fullum launum í heilt ár Keilusambandið sakað um djúpstæða spillingu Umferðarljós við gatnamót Kringlumýrarbrautar og Miklubrautar óvirk Óheillaskref að áfengi sé selt á vellinum Mikið viðbragð Gæslunnar vegna veikinda langt úti á hafi Tugmilljóna gjaldþrot meðhöndlarans Bein útsending: Sterkari saman - Þjóðarsjúkrahús í 25 ár Afstaða fær 600 þúsund í verðlaun frá Reykjavíkurborg Dæmdur fyrir brot gegn fimmtán börnum í viðbót Sakar RÚV um óvandaðan fréttaflutning um fjármál borgarinnar Rafmagnslaust á Granda Nítján í haldi vegna fíkniefnainnflutnings um Keflavíkurflugvöll Mál Margeirs til Landsréttar Fjármálaráðherra ánægður með söluna á Íslandsbanka Hvetja kattaeigendur til að setja kettina í útivistarbann „Nú er verkstjórn tekin við sem gengur í málið“ Þrír grunaðir í tengslum við brunann á Stuðlum Ökumenn séu oft með óþarfa munnsöfnuð og fingurinn á lofti Vó að æru Margeirs með því að færa hann til í starfi Óvíst hvar börnin lenda í haust Kölluð út vegna slagsmála og svo aftur vegna berserksgangs sama manns Villta vestrið ríki á íþróttaviðburðum og kalla eftir reglum Ísland geti orðið fyrirmyndarríki í fangelsismálum Sjá meira