„Mikilvægt fyrir komandi tiktok kynslóðir sem sjá allt filterað og fullkomið“ Sylvía Rut Sigfúsdóttir skrifar 7. nóvember 2020 19:00 Þóra Hilmarsdóttir leikstýrði umtalaðri auglýsingu NOVA, Allir úr! (Ljósmyndarinn Saga Sig tók myndina af Þóru). Samsett „Mér fannst þetta fyrst og fremst frábært verkefni með góðum og jákvæðum boðskap og ég sá strax mikla möguleika á að geta gert flotta auglýsingu úr hugmyndinni,“ segir leikstjórinn Þóra en hún leikstýrði umtöluðustu auglýsingu landsins, Allir úr! Í auglýsingunni má sjá fjölda Íslendinga meðal annars dansa, hlaupa, hjóla og versla í matinn á Adams- og Evuklæðunum. „Hugmyndin kom frá Jón Ara Helgasyni og Dóru Haraldsdóttur hjá Brandenburg og síðan vann ég að útfærslu hugmyndarinnar í samvinnu við þau,“ segir Þóra. Hið náttúrulegasta að horfa á Allir úr! auglýsingu fjarskiptafyrirtækisins NOVA er ætlað að hvetja fólk til að nota úr með e-símkorti og hvíla símann. Auglýsingin var frumsýnd í sjónvarpi fyrir landsleik Íslands og Litháen í handbolta á miðvikudag. „Við viljum vekja athygli á mikilvægi geðræktar og hvernig sé hægt að bæta andlega líðan. Við þurfum nefnilega að tala aðeins um líkamsvirðingu. Við erum allavega, allskonar og af öllum mögulegum stærðum og gerðum. Hér er nýja auglýsingin okkar í allri sinni dýrð. Ekkert að fela. Ekkert til að skammast sín fyrir. Allir úr, er haft eftir Margréti Tryggvadóttur framkvæmdastjóra NOVA um auglýsinguna. Auglýsingin allir úr hefur vakið mikla athygli.Þóra Hilmarsdóttir „Það er ótrúlega mikilvægt að sýna venjulegt fólk sem er allskonar í laginu líða vel í eigin skinni. En þetta er einnig sérstaklega mikilvægt fyrir komandi tiktok kynslóðir sem sjá allt filterað og fullkomið,“ segir Þóra. Í fyrsta sinn á reddit „Ég vonaðist bara eftir því að fólk sæi mikilvægi boðskaparins og gleðina sem fylgir auglýsingunni en færi kannski ekki að bölva því að fólk væri nakið í sjónvarpinu fyrir klukkan átta að kvöldi og börn að horfa því þetta á einnig að vera hið náttúrulegasta fyrir alla að horfa á og ekki síst börnin.“ Þóra segir að viðbrögðin hafi verið alveg eins og hún vonaðist eftir. Íris Dögg Einarsdóttir ljósmyndari tók myndirnar sem birst hafa úr auglýsingaherferðinni síðustu daga. „Fólk er almennt að bregðast mjög jákvætt við og auglýsingin hefur skapað góða umræðu. Þetta er jafnframt í fyrsta skipti sem vinnan mín ratar inn á reddit.” Auglýsingin hefur hlotið mikla athygli á samfélagsmiðlum og í fjölmiðlum síðustu daga, meðal annars út fyrir landsteinana. Auglýsingin fékk mjög jákvæð viðbrögð á samfélagsmiðlum og hjá lesendum Vísis, þegar auglýsingin var birt í frétt fyrr í vikunni. Svo virðist sem Íslendingar almennt fagni þessari nálgun á líkamsvirðingu í auglýsingu. Finnsk heimildarmynd um nudista Alda Guðjónsdóttir sá um leikaraval sem hún vann svo í samstarfi við Þóru og teymið hjá Brandenburg. Þóra segir að það hafi komið sér á óvart hvað fólk var til í að vera nakið í tökunum og sjá að því leið bara mjög vel þannig. „Þegar á hólminn var komið vorum við bara "jæja við erum að gera þetta“ en síðan varð þetta strax mjög náttúrulegt allt saman og allir lítið að kippa sér upp við nektina á tökustaðnum. Þetta byrjaði alveg á fullum krafti hjá okkur með nöktum hlaupum og hjólreiðum í Laugardalnum. Við sem einhverjir listrænir kvikmyndagerðarmenn vildum skjóta á þeim tíma sem ljósið var fallegast seinnipartinn og vorum ekki alveg búin að sjá fyrir okkur alla umferðina af skokkurum og börnum á leið heim úr skólanum. Svo við áttum fullt í fangi með að stýra umferðinni á göngustígunum og ég get ímyndað mér að þeir sem sáu glitta í okkur skildu ekki mikið í hvað væri í gangi. Það ríkti líka mikil leynd yfir því sem við vorum að gera og margir vegfarendur voru að spyrja okkur fyrir hvað þetta væri en við reyndum að komast hjá því að svara eða segja að við værum að gera einhverja finnska heimildamynd um nudista.“ Nöktu Íslendingarnir náðu athygli vegfarenda á meðan tökum stóð. Mikil leynd hvíldi þó yfir verkefninu.Þóra Hilmarsdóttir Allir bossar sprittaðir Tökurnar sjálfar gengu vonum framan þrátt fyrir heimsfaraldur og samkomutakmarkanir sem einkennt hafa árið 2020. „Ég vinn hjá fyrirtæki sem heitir Skot Productions sem sá um framleiðsluna. Við tókum auglýsinguna upp yfir þrjá daga fyrir um tveimur vikum síðan svo við rétt sluppum fyrir Covid fjöldatakmarkanir. En það eru stífir verkferlar og grímuskylda sem við fórum eftir og auðvitað allar hendur og bossar vel sprittaðir.“ Þóra hefur vakið mikla athygli fyrir verkefni sín síðustu misseri, eins og tvo þætti sem hún leikstýrði af þáttunum Brot og myndband Of Monsters and Men við lög eins og Wild Roses og Visitor. Eins og er er Þóra að leikstýra tveimur þáttum af Stellu Blomkvist II, en er þó í smá tökuhléi vegna útbreiðslu kórónuveirunnar hér á landi. Auglýsingin þykir hvetja til líkamsvirðingar en allir leikararnir koma þar fram naktir.Þóra Hilmarsdóttir „Við getum vonandi haldið áfram tökum þegar þessi bylgja dettur niður og takmörkunum aflétt. En það er ótrúlega skemmtilegt verkefni sem býr til ákveðinn hliðarheim á Íslandi. Síðan erum við í fjármögnunarferli fyrir fyrstu bíómyndina mína sem fer í tökur á næsta ári og heitir Konur eftir bók Steinars Braga. Einnig eru ég og Snjólaug Lúðvíksdóttir handritshöfundur að skrifa Sci-fi seríu sem hefur verið mjög viðeigandi á COVID tímum,“ útskýrir Þóra. „Ég hef verið mjög heppin með að vera í vinnu nánast allan tímann. Í fyrstu bylgjunni var ég að leikstýra þætti af væntanlegri íslenskri Netflix seríu sem heitir Katla úr smiðju Baltasars Kormáks. Sú framleiðsla lagði línurnar í Covid verklagi innan kvikmyndaiðnaðarins hér á landi og gekk gríðarlega vel. En þau verkefni sem ég hef ætlað að taka að mér erlendis eru öll í biðstöðu. Ég upplifi mig mjög heppna að vera á Íslandi sem kvikmyndagerðarmaður á tímum Covid. Síðan höfum við reynt að nýta tímann vel við skrif eins og svo margir aðrir kvikmyndagerðarmenn. Svo ég held að það megi búast við einhverri sprengju af handritum eftir að þetta er allt yfirstaðið.“ Hér fyrir neðan er hægt að horfa á Allir úr! auglýsingu Þóru. Allir úr! from Novaisland on Vimeo. Samfélagsmiðlar Helgarviðtal Auglýsinga- og markaðsmál Mest lesið Umfjöllunin um kynjaveisluna fór fyrir brjóstið á Birgittu Lífið Fiskikóngurinn fékk golfkúlu í hausinn Lífið Símtal á lágpunkti úti í London breytti öllu Lífið Mætti á nærfötunum einum klæða Tíska og hönnun Laug til um hakkara en bar sjálfur ábyrgð á unaðsstunum Lífið Íbúð við Laugaveg sem áður var bíósalur Lífið „Mig langaði að eiga vini og verða vinsæll“ Lífið „Háð því að gera hluti sem eru óþægilegir“ Lífið Björk byrjar kvöldið og Blawan tekur svo við Lífið Listamenn skora á Samherja að falla frá málsókn gegn ODEE Lífið Fleiri fréttir Laug til um hakkara en bar sjálfur ábyrgð á unaðsstunum Fiskikóngurinn fékk golfkúlu í hausinn Íbúð við Laugaveg sem áður var bíósalur Símtal á lágpunkti úti í London breytti öllu Listamenn skora á Samherja að falla frá málsókn gegn ODEE Umfjöllunin um kynjaveisluna fór fyrir brjóstið á Birgittu Björk byrjar kvöldið og Blawan tekur svo við Halla á Hellisheiði með viðskiptakonum „Mig langaði að eiga vini og verða vinsæll“ Býður Taylor barn „Háð því að gera hluti sem eru óþægilegir“ Gullið tilboð í Amsterdam Finnst hann ekki vera að sparka í liggjandi mann Lygileg frammistaða hjá báðum liðum í fimmföldum Embla Wigum ástfangin í London „Á meðan ég er ætlum við að vera ódýrust“ „Enn hafa engir leyndir gallar látið á sér kræla“ Gat varla gengið en hljóp hálfmaraþon Hildur Sif og Páll Orri festu kaup á hönnunaríbúð í 101 Eignaðist barn utan hjónabands „Barnlausa kattakonan“ lýsir yfir stuðningi við Harris Sendi ítarlegan spurningarlista fyrir fyrsta stefnumótið „Píratar hafa lengi verið mikið áhugamál hjá mér“ Setur „Hafnarfjarðarhreysið“ á sölu eftir endurbætur Hafdís segir Emmy tilnefninguna „smá súrrealíska“ Egill og Íris Freyja nefna dótturina Endurvekur misheppnuðustu útihátíð heims Sturla Atlas og Kolfinna flytja inn saman Skvísupartý í skartgripaverslun Frestar öllum tónleikum vegna hrakandi heilsu Sjá meira
„Mér fannst þetta fyrst og fremst frábært verkefni með góðum og jákvæðum boðskap og ég sá strax mikla möguleika á að geta gert flotta auglýsingu úr hugmyndinni,“ segir leikstjórinn Þóra en hún leikstýrði umtöluðustu auglýsingu landsins, Allir úr! Í auglýsingunni má sjá fjölda Íslendinga meðal annars dansa, hlaupa, hjóla og versla í matinn á Adams- og Evuklæðunum. „Hugmyndin kom frá Jón Ara Helgasyni og Dóru Haraldsdóttur hjá Brandenburg og síðan vann ég að útfærslu hugmyndarinnar í samvinnu við þau,“ segir Þóra. Hið náttúrulegasta að horfa á Allir úr! auglýsingu fjarskiptafyrirtækisins NOVA er ætlað að hvetja fólk til að nota úr með e-símkorti og hvíla símann. Auglýsingin var frumsýnd í sjónvarpi fyrir landsleik Íslands og Litháen í handbolta á miðvikudag. „Við viljum vekja athygli á mikilvægi geðræktar og hvernig sé hægt að bæta andlega líðan. Við þurfum nefnilega að tala aðeins um líkamsvirðingu. Við erum allavega, allskonar og af öllum mögulegum stærðum og gerðum. Hér er nýja auglýsingin okkar í allri sinni dýrð. Ekkert að fela. Ekkert til að skammast sín fyrir. Allir úr, er haft eftir Margréti Tryggvadóttur framkvæmdastjóra NOVA um auglýsinguna. Auglýsingin allir úr hefur vakið mikla athygli.Þóra Hilmarsdóttir „Það er ótrúlega mikilvægt að sýna venjulegt fólk sem er allskonar í laginu líða vel í eigin skinni. En þetta er einnig sérstaklega mikilvægt fyrir komandi tiktok kynslóðir sem sjá allt filterað og fullkomið,“ segir Þóra. Í fyrsta sinn á reddit „Ég vonaðist bara eftir því að fólk sæi mikilvægi boðskaparins og gleðina sem fylgir auglýsingunni en færi kannski ekki að bölva því að fólk væri nakið í sjónvarpinu fyrir klukkan átta að kvöldi og börn að horfa því þetta á einnig að vera hið náttúrulegasta fyrir alla að horfa á og ekki síst börnin.“ Þóra segir að viðbrögðin hafi verið alveg eins og hún vonaðist eftir. Íris Dögg Einarsdóttir ljósmyndari tók myndirnar sem birst hafa úr auglýsingaherferðinni síðustu daga. „Fólk er almennt að bregðast mjög jákvætt við og auglýsingin hefur skapað góða umræðu. Þetta er jafnframt í fyrsta skipti sem vinnan mín ratar inn á reddit.” Auglýsingin hefur hlotið mikla athygli á samfélagsmiðlum og í fjölmiðlum síðustu daga, meðal annars út fyrir landsteinana. Auglýsingin fékk mjög jákvæð viðbrögð á samfélagsmiðlum og hjá lesendum Vísis, þegar auglýsingin var birt í frétt fyrr í vikunni. Svo virðist sem Íslendingar almennt fagni þessari nálgun á líkamsvirðingu í auglýsingu. Finnsk heimildarmynd um nudista Alda Guðjónsdóttir sá um leikaraval sem hún vann svo í samstarfi við Þóru og teymið hjá Brandenburg. Þóra segir að það hafi komið sér á óvart hvað fólk var til í að vera nakið í tökunum og sjá að því leið bara mjög vel þannig. „Þegar á hólminn var komið vorum við bara "jæja við erum að gera þetta“ en síðan varð þetta strax mjög náttúrulegt allt saman og allir lítið að kippa sér upp við nektina á tökustaðnum. Þetta byrjaði alveg á fullum krafti hjá okkur með nöktum hlaupum og hjólreiðum í Laugardalnum. Við sem einhverjir listrænir kvikmyndagerðarmenn vildum skjóta á þeim tíma sem ljósið var fallegast seinnipartinn og vorum ekki alveg búin að sjá fyrir okkur alla umferðina af skokkurum og börnum á leið heim úr skólanum. Svo við áttum fullt í fangi með að stýra umferðinni á göngustígunum og ég get ímyndað mér að þeir sem sáu glitta í okkur skildu ekki mikið í hvað væri í gangi. Það ríkti líka mikil leynd yfir því sem við vorum að gera og margir vegfarendur voru að spyrja okkur fyrir hvað þetta væri en við reyndum að komast hjá því að svara eða segja að við værum að gera einhverja finnska heimildamynd um nudista.“ Nöktu Íslendingarnir náðu athygli vegfarenda á meðan tökum stóð. Mikil leynd hvíldi þó yfir verkefninu.Þóra Hilmarsdóttir Allir bossar sprittaðir Tökurnar sjálfar gengu vonum framan þrátt fyrir heimsfaraldur og samkomutakmarkanir sem einkennt hafa árið 2020. „Ég vinn hjá fyrirtæki sem heitir Skot Productions sem sá um framleiðsluna. Við tókum auglýsinguna upp yfir þrjá daga fyrir um tveimur vikum síðan svo við rétt sluppum fyrir Covid fjöldatakmarkanir. En það eru stífir verkferlar og grímuskylda sem við fórum eftir og auðvitað allar hendur og bossar vel sprittaðir.“ Þóra hefur vakið mikla athygli fyrir verkefni sín síðustu misseri, eins og tvo þætti sem hún leikstýrði af þáttunum Brot og myndband Of Monsters and Men við lög eins og Wild Roses og Visitor. Eins og er er Þóra að leikstýra tveimur þáttum af Stellu Blomkvist II, en er þó í smá tökuhléi vegna útbreiðslu kórónuveirunnar hér á landi. Auglýsingin þykir hvetja til líkamsvirðingar en allir leikararnir koma þar fram naktir.Þóra Hilmarsdóttir „Við getum vonandi haldið áfram tökum þegar þessi bylgja dettur niður og takmörkunum aflétt. En það er ótrúlega skemmtilegt verkefni sem býr til ákveðinn hliðarheim á Íslandi. Síðan erum við í fjármögnunarferli fyrir fyrstu bíómyndina mína sem fer í tökur á næsta ári og heitir Konur eftir bók Steinars Braga. Einnig eru ég og Snjólaug Lúðvíksdóttir handritshöfundur að skrifa Sci-fi seríu sem hefur verið mjög viðeigandi á COVID tímum,“ útskýrir Þóra. „Ég hef verið mjög heppin með að vera í vinnu nánast allan tímann. Í fyrstu bylgjunni var ég að leikstýra þætti af væntanlegri íslenskri Netflix seríu sem heitir Katla úr smiðju Baltasars Kormáks. Sú framleiðsla lagði línurnar í Covid verklagi innan kvikmyndaiðnaðarins hér á landi og gekk gríðarlega vel. En þau verkefni sem ég hef ætlað að taka að mér erlendis eru öll í biðstöðu. Ég upplifi mig mjög heppna að vera á Íslandi sem kvikmyndagerðarmaður á tímum Covid. Síðan höfum við reynt að nýta tímann vel við skrif eins og svo margir aðrir kvikmyndagerðarmenn. Svo ég held að það megi búast við einhverri sprengju af handritum eftir að þetta er allt yfirstaðið.“ Hér fyrir neðan er hægt að horfa á Allir úr! auglýsingu Þóru. Allir úr! from Novaisland on Vimeo.
Samfélagsmiðlar Helgarviðtal Auglýsinga- og markaðsmál Mest lesið Umfjöllunin um kynjaveisluna fór fyrir brjóstið á Birgittu Lífið Fiskikóngurinn fékk golfkúlu í hausinn Lífið Símtal á lágpunkti úti í London breytti öllu Lífið Mætti á nærfötunum einum klæða Tíska og hönnun Laug til um hakkara en bar sjálfur ábyrgð á unaðsstunum Lífið Íbúð við Laugaveg sem áður var bíósalur Lífið „Mig langaði að eiga vini og verða vinsæll“ Lífið „Háð því að gera hluti sem eru óþægilegir“ Lífið Björk byrjar kvöldið og Blawan tekur svo við Lífið Listamenn skora á Samherja að falla frá málsókn gegn ODEE Lífið Fleiri fréttir Laug til um hakkara en bar sjálfur ábyrgð á unaðsstunum Fiskikóngurinn fékk golfkúlu í hausinn Íbúð við Laugaveg sem áður var bíósalur Símtal á lágpunkti úti í London breytti öllu Listamenn skora á Samherja að falla frá málsókn gegn ODEE Umfjöllunin um kynjaveisluna fór fyrir brjóstið á Birgittu Björk byrjar kvöldið og Blawan tekur svo við Halla á Hellisheiði með viðskiptakonum „Mig langaði að eiga vini og verða vinsæll“ Býður Taylor barn „Háð því að gera hluti sem eru óþægilegir“ Gullið tilboð í Amsterdam Finnst hann ekki vera að sparka í liggjandi mann Lygileg frammistaða hjá báðum liðum í fimmföldum Embla Wigum ástfangin í London „Á meðan ég er ætlum við að vera ódýrust“ „Enn hafa engir leyndir gallar látið á sér kræla“ Gat varla gengið en hljóp hálfmaraþon Hildur Sif og Páll Orri festu kaup á hönnunaríbúð í 101 Eignaðist barn utan hjónabands „Barnlausa kattakonan“ lýsir yfir stuðningi við Harris Sendi ítarlegan spurningarlista fyrir fyrsta stefnumótið „Píratar hafa lengi verið mikið áhugamál hjá mér“ Setur „Hafnarfjarðarhreysið“ á sölu eftir endurbætur Hafdís segir Emmy tilnefninguna „smá súrrealíska“ Egill og Íris Freyja nefna dótturina Endurvekur misheppnuðustu útihátíð heims Sturla Atlas og Kolfinna flytja inn saman Skvísupartý í skartgripaverslun Frestar öllum tónleikum vegna hrakandi heilsu Sjá meira