Lést af völdum Covid-19

Einn lést af völdum Covid-19 á Landspítalanum síðasta sólarhring. Um er að ræða einstakling á níræðisaldri að sögn Jóhanns K. Jóhannssonar, upplýsingafulltrúa almannavarna.

Þetta er tólfta andlátið af völdum Covid-19 hér á landi og annað andlátið í bylgjunni sem nú gengur yfir. Tíu létust í fyrstu bylgju faraldursins í vor.

Alls greindust 86 með kórónuveiruna innan­lands í gær. Alls voru 62 af þeim 86 sem greindust í gær í sóttkví , eða 73 prósent. Alls eru 58 nú á sjúkrahúsi vegna Covid-19, þar af einn á gjörgæslu.

Fréttin hefur verið uppfærð með þeim upplýsingum að viðkomandi lést á Landspítalanum.