Vestri nær varla að manna lið í síðustu leikjunum | Bjarni Jó hættir eftir tímabilið Runólfur Trausti Þórhallsson skrifar 15. október 2020 07:01 Hér sjást leikmenn Vestra fagna einu marka sinna í 3-1 útisigri gegn ÍBV í sumar. Stöð 2 Sport Vestri frá Ísafirði og Bolungarvík í Lengjudeild karla í knattspyrnu er eflaust það lið sem er með hvað flesta útlendinga á sínum snærum Leikmenn liðsins fara nær allir heim á næstu dögum og því óvíst hvað gerist ef Lengjudeildin verður kláruð undir lok október eða í byrjun nóvember. Þetta sagði Samúel Samúelsson, formaður meistaraflokks karla hjá félaginu, í viðtali við RÚV í gær. Þá staðfesti félagið einnig í dag að Bjarni Jóhannsson, þjálfari liðsins, mun hætta þjálfun þess eftir farsæl þrjú ár. „Mikil ánægja hefur verið með störf Bjarna frá því hann kom vestur 2018, en hann kom liðinu okkar upp úr 2. deildinni og skilur það eftir í góðum málum í 1. deildinni. Bjarna verður sárt saknað fyrir vestan, enda eins og sagði, unnið mikið og gott starf fyrir klúbbinn. Knattspyrnudeild Vestra þakkar Bjarna fyrir árin þrjú og óskum við honum velfarnaðar í þeim verkefnum sem hann tekur sér fyrir hendur,“ segir í tilkynningu á vef félagsins. „Allir erlendir leikmenn Vestra yfirgefa landið 19. október þar sem mótið átti náttúrulega að klárast 17. október. Við sýnum að sjálfsögðu þeim liðum skilning sem hafa að einhverju að keppa. Við erum hólpnir og siglum lygnan sjó í deildinni. Ég geri mér samt fulla grein fyrir því að þau lið sem eru að berjast á botni og toppi vilji klára mótið,“ sagði Samúel, eða Sammi eins og hann er nær alltaf kallaður, við RÚV í gær. Dragist Íslandsmótið í fótbolta mikið lengur eru lið eins og Vestri í bobba. Þar hafa verið 10 erlendir leikmenn í ár. Allir nema tveir fara heim á mánudag og hinir um mánaðamótin. @SSamelsson formaður meistaraflokksráðs Vestra var í viðtali um stöðuna.https://t.co/MabiulvkZx— RÚV Íþróttir (@ruvithrottir) October 14, 2020 Vestri á að mæta Magna frá Grenivík í næstsíðustu umferð mótsins. Magni er ásamt Þrótti Reykjavík og Leikni Fáskrúðsfirði í harðri fallbaráttu. Öll þrjú liðin eru með 12 stig sem stendur og gæti það hjálpað Magna verulega ef Vestri verður án allt að tíu erlendra leikmanna í þeim leik. „Við munum aldrei fá sanngjarna niðurstöðu í mótið úr því sem komið er. En því verður ekki breytt að okkar leikmenn muni yfirgefa landið 19. október og við verðum mjög fámennir eftir það.“ Hafa lánað unga leikmenn í 4. deildarlið Harðar „Við náðum að framlengja samningum við tvo erlenda leikmenn fram að mánaðamótum en ekki við fleiri. Við lögðum ekkert gríðarlega mikið kapp á það. Við erum að hugsa um okkur sjálfa í þessu, ég verð nú að viðurkenna það. Við erum hólpnir í deildinni og sjáum ekki neinn tilgang í því að fara að bæta við kostnaði á þetta tímabil,“ sagði Samúel. „Við eigum í lið fram að mánaðamótum, en hópurinn er ekki stór. Við höfum lánað marga af okkar yngri leikmönnum í 4. deildarlið Harðar. Þannig þeir eru þar að leiðandi bundnir þar. Þannig við getum ekki kallað þá til baka á þessum tímapunkti. Ég sé fyrir mér að við getum spilað þessa leiki ef mótið klárast fyrir mánaðamót. En ef þetta dregst lengur að þá verðum við bara í þeirri stöðu að þurfa að spila mjög ungum leikmönnum,“ sagði Samúel en hann telur það ekki gera neinum greiða að stilla upp liði nær eingöngu skipað mönnum úr 3. flokki félagsins. Vestri á einn heimaleik eftir í Lengjudeildinni og fer hann líklega fram á gervigrasvellinum á Dalvík vegna veðurs á Ísafirði. „Það er nú yfirleitt gott veður hérna fyrir vestan. En þegar við erum komin inn í nóvember, jafnvel þó það yrði ekki kominn snjór, heldur bara um leið og það kemur frost í völlinn er hann óleikhæfur,“ sagði Samúel að lokum í viðtali við RÚV. Viðtal RÚV má lesa í heild sinni hér. Þar má einnig finna upptöku af viðtali Samma við RÚV. Fótbolti Lengjudeildin Ísafjarðarbær Bolungarvík Íslenski boltinn Mest lesið Einn besti dómari landsins fær ekki leik Körfubolti Uppgjörið: Valur - Grindavík 94-89| Valsarar sluppu fyrir horn Körfubolti Sakaði syni sína um „fullkomið mannorðsmorð“ á leynilegri upptöku Sport Uppgjör: Tindastóll - Keflavík 94-87 | Stólarnir sterkari í lokin Körfubolti Jota hetjan þegar Liverpool náði aftur tólf stiga forystu Sport Var kóngurinn 1995 en „algjörlega á botninum“ 1997 Íslenski boltinn Svona var kynningarfundur Bestu deildar karla Íslenski boltinn Vilja VAR á Íslandi og finnst Gylfi langbestur Íslenski boltinn Jón Guðni Fjóluson leggur skóna á hilluna Íslenski boltinn „Meðvituð um að þetta er samfélagslegt vandamál“ Íslenski boltinn Fleiri fréttir Jón Guðni Fjóluson leggur skóna á hilluna Eyjamenn sækja Pólverja í rammann Gylfa aftur spáð titlinum en spáin röng síðan 2020 Vilja VAR á Íslandi og finnst Gylfi langbestur Félögin spá Víkingum titlinum Svona var kynningarfundur Bestu deildar karla „Hann virðist bara ekkert vera þannig þjálfari“ Besta-spáin 2025: Litað út fyrir Var kóngurinn 1995 en „algjörlega á botninum“ 1997 „Meðvituð um að þetta er samfélagslegt vandamál“ Stúkan fær liðsstyrk í þremur kanónum Besta auglýsing Fram: Rúnar kann öll vafasömu trixin „Var meira fyrir að borða nutella úr krukkunni og spila tölvuleiki“ „Stærsta í þessu er ef Rúnar Már nær að spila meira“ Besta-spáin 2025: Vindur í Skagaseglin Heimsóttu Hásteinsvöll: „Það eru ekkert allir sáttir við þetta“ Vel vopnaðir tökumenn: „Djöfull er þetta góður klútur“ „Maður er pínu hræddur fyrir þeirra hönd“ Besta-spáin 2025: Að finna sér nýjan samastað í tilverunni „Gerðum gott úr þessu“ Uppgjörið: Breiðablik - KA 3-1 | Breiðablik er meistari meistaranna Herra Víkingur kvaddur: „Rosalega gott tækifæri til að hætta“ Skelfileg meiðsli Stefáns Árna: „Fóturinn var í mjög ljótri stöðu“ Frumraun Gylfa í beinni í kvöld „Mér finnst þeir geta farið í báðar áttir“ Besta-spáin 2025: Meðvindur þrátt fyrir mótbyr Sænska stórveldið keypti Ísabellu Söru Grindvíkingar sækja um í hamfarasjóð UEFA Heimi finnst aldursumræðan algjörlega galin Ný treyja KR kynnt með pompi og prakt Sjá meira
Vestri frá Ísafirði og Bolungarvík í Lengjudeild karla í knattspyrnu er eflaust það lið sem er með hvað flesta útlendinga á sínum snærum Leikmenn liðsins fara nær allir heim á næstu dögum og því óvíst hvað gerist ef Lengjudeildin verður kláruð undir lok október eða í byrjun nóvember. Þetta sagði Samúel Samúelsson, formaður meistaraflokks karla hjá félaginu, í viðtali við RÚV í gær. Þá staðfesti félagið einnig í dag að Bjarni Jóhannsson, þjálfari liðsins, mun hætta þjálfun þess eftir farsæl þrjú ár. „Mikil ánægja hefur verið með störf Bjarna frá því hann kom vestur 2018, en hann kom liðinu okkar upp úr 2. deildinni og skilur það eftir í góðum málum í 1. deildinni. Bjarna verður sárt saknað fyrir vestan, enda eins og sagði, unnið mikið og gott starf fyrir klúbbinn. Knattspyrnudeild Vestra þakkar Bjarna fyrir árin þrjú og óskum við honum velfarnaðar í þeim verkefnum sem hann tekur sér fyrir hendur,“ segir í tilkynningu á vef félagsins. „Allir erlendir leikmenn Vestra yfirgefa landið 19. október þar sem mótið átti náttúrulega að klárast 17. október. Við sýnum að sjálfsögðu þeim liðum skilning sem hafa að einhverju að keppa. Við erum hólpnir og siglum lygnan sjó í deildinni. Ég geri mér samt fulla grein fyrir því að þau lið sem eru að berjast á botni og toppi vilji klára mótið,“ sagði Samúel, eða Sammi eins og hann er nær alltaf kallaður, við RÚV í gær. Dragist Íslandsmótið í fótbolta mikið lengur eru lið eins og Vestri í bobba. Þar hafa verið 10 erlendir leikmenn í ár. Allir nema tveir fara heim á mánudag og hinir um mánaðamótin. @SSamelsson formaður meistaraflokksráðs Vestra var í viðtali um stöðuna.https://t.co/MabiulvkZx— RÚV Íþróttir (@ruvithrottir) October 14, 2020 Vestri á að mæta Magna frá Grenivík í næstsíðustu umferð mótsins. Magni er ásamt Þrótti Reykjavík og Leikni Fáskrúðsfirði í harðri fallbaráttu. Öll þrjú liðin eru með 12 stig sem stendur og gæti það hjálpað Magna verulega ef Vestri verður án allt að tíu erlendra leikmanna í þeim leik. „Við munum aldrei fá sanngjarna niðurstöðu í mótið úr því sem komið er. En því verður ekki breytt að okkar leikmenn muni yfirgefa landið 19. október og við verðum mjög fámennir eftir það.“ Hafa lánað unga leikmenn í 4. deildarlið Harðar „Við náðum að framlengja samningum við tvo erlenda leikmenn fram að mánaðamótum en ekki við fleiri. Við lögðum ekkert gríðarlega mikið kapp á það. Við erum að hugsa um okkur sjálfa í þessu, ég verð nú að viðurkenna það. Við erum hólpnir í deildinni og sjáum ekki neinn tilgang í því að fara að bæta við kostnaði á þetta tímabil,“ sagði Samúel. „Við eigum í lið fram að mánaðamótum, en hópurinn er ekki stór. Við höfum lánað marga af okkar yngri leikmönnum í 4. deildarlið Harðar. Þannig þeir eru þar að leiðandi bundnir þar. Þannig við getum ekki kallað þá til baka á þessum tímapunkti. Ég sé fyrir mér að við getum spilað þessa leiki ef mótið klárast fyrir mánaðamót. En ef þetta dregst lengur að þá verðum við bara í þeirri stöðu að þurfa að spila mjög ungum leikmönnum,“ sagði Samúel en hann telur það ekki gera neinum greiða að stilla upp liði nær eingöngu skipað mönnum úr 3. flokki félagsins. Vestri á einn heimaleik eftir í Lengjudeildinni og fer hann líklega fram á gervigrasvellinum á Dalvík vegna veðurs á Ísafirði. „Það er nú yfirleitt gott veður hérna fyrir vestan. En þegar við erum komin inn í nóvember, jafnvel þó það yrði ekki kominn snjór, heldur bara um leið og það kemur frost í völlinn er hann óleikhæfur,“ sagði Samúel að lokum í viðtali við RÚV. Viðtal RÚV má lesa í heild sinni hér. Þar má einnig finna upptöku af viðtali Samma við RÚV.
Fótbolti Lengjudeildin Ísafjarðarbær Bolungarvík Íslenski boltinn Mest lesið Einn besti dómari landsins fær ekki leik Körfubolti Uppgjörið: Valur - Grindavík 94-89| Valsarar sluppu fyrir horn Körfubolti Sakaði syni sína um „fullkomið mannorðsmorð“ á leynilegri upptöku Sport Uppgjör: Tindastóll - Keflavík 94-87 | Stólarnir sterkari í lokin Körfubolti Jota hetjan þegar Liverpool náði aftur tólf stiga forystu Sport Var kóngurinn 1995 en „algjörlega á botninum“ 1997 Íslenski boltinn Svona var kynningarfundur Bestu deildar karla Íslenski boltinn Vilja VAR á Íslandi og finnst Gylfi langbestur Íslenski boltinn Jón Guðni Fjóluson leggur skóna á hilluna Íslenski boltinn „Meðvituð um að þetta er samfélagslegt vandamál“ Íslenski boltinn Fleiri fréttir Jón Guðni Fjóluson leggur skóna á hilluna Eyjamenn sækja Pólverja í rammann Gylfa aftur spáð titlinum en spáin röng síðan 2020 Vilja VAR á Íslandi og finnst Gylfi langbestur Félögin spá Víkingum titlinum Svona var kynningarfundur Bestu deildar karla „Hann virðist bara ekkert vera þannig þjálfari“ Besta-spáin 2025: Litað út fyrir Var kóngurinn 1995 en „algjörlega á botninum“ 1997 „Meðvituð um að þetta er samfélagslegt vandamál“ Stúkan fær liðsstyrk í þremur kanónum Besta auglýsing Fram: Rúnar kann öll vafasömu trixin „Var meira fyrir að borða nutella úr krukkunni og spila tölvuleiki“ „Stærsta í þessu er ef Rúnar Már nær að spila meira“ Besta-spáin 2025: Vindur í Skagaseglin Heimsóttu Hásteinsvöll: „Það eru ekkert allir sáttir við þetta“ Vel vopnaðir tökumenn: „Djöfull er þetta góður klútur“ „Maður er pínu hræddur fyrir þeirra hönd“ Besta-spáin 2025: Að finna sér nýjan samastað í tilverunni „Gerðum gott úr þessu“ Uppgjörið: Breiðablik - KA 3-1 | Breiðablik er meistari meistaranna Herra Víkingur kvaddur: „Rosalega gott tækifæri til að hætta“ Skelfileg meiðsli Stefáns Árna: „Fóturinn var í mjög ljótri stöðu“ Frumraun Gylfa í beinni í kvöld „Mér finnst þeir geta farið í báðar áttir“ Besta-spáin 2025: Meðvindur þrátt fyrir mótbyr Sænska stórveldið keypti Ísabellu Söru Grindvíkingar sækja um í hamfarasjóð UEFA Heimi finnst aldursumræðan algjörlega galin Ný treyja KR kynnt með pompi og prakt Sjá meira