Bein út­sending: Ung­menna­ráð­stefna UMFÍ – Lýð­ræðis­leg á­hrif

Ráðstefna UMFÍ og Ungmennaráð UMFÍ, Ungt fólk og lýðræði , fer fram í Hörpu í dag. Yfirskrift ungmennaráðstefnunnar er: Lýðræðisleg áhrif. Hvar, hvenær og hvernig getur ungt fólk haft áhrif?

Ráðstefnan hófst í morgun með setningu Guðna Th. Jóhannessonar forseta en hægt verður að fylgljast með umræðum hér á Vísi í spilaranum að neðan, en áætlað er að þær hefjist klukkan 14:45. Munu þar þingmenn, ráðherrar og borgarfulltrúar taka þátt.

Í tilkynningu segir að ráðstefnan sé samræðuvettvangur ungs fólks á aldrinum 16 til 25 ára.

„Markmið og tilgangur ráðstefnunnar er að efla lýðræðislega þátttöku ungs fólks í leik og starfi og gefa okkur, ungu fólki, verkfæri og þjálfun til þess að auka áhrif í okkar nær samfélagi.“

Dagskrá: Kl. 14:45 – 15:45 fer fram pallborðumræða við ráðamenn.

Fyrirkomulagið er með þeim hætti að fyrr um daginn verða þátttakendur búnir að undirbúa spurningar til ráðamanna tengdar yfirskrift ráðstefnunnar. Fulltrúi Ungmennaráðs UMFÍ stýrir umræðunum.

Þeir ráðamenn sem hafa boðað komu sína eru:

• Andrés Ingi Jónsson, þingmaður.
• Bryndís Haraldsdóttir, þingmaður Sjálfstæðisflokksins og talsmaður barna á alþingi.
• Dagur B. Eggertsson, borgarstjóri Reykjavíkur.
• Lilja Alfreðsdóttir, mennta- og menningarmálaráðherra
• Sanna Magdalena, borgarfulltrúi Sósíalistaflokks Íslands.
• Sigurður Ingi Jóhannsson, formaður Framsóknarflokksins, Samgöngu- og sveitastjórnarráðherra.
• Steinunn Þóra Árnadóttir, þingmaður Vinstri grænna.
• Willum Þór Þórsson, þingmaður Framsóknarflokksins.