Svona var blaðamannafundurinn þegar hópurinn fyrir leikina gegn Englandi og Belgíu var valinn

Erik Hamrén, þjálfari íslenska karlalandsliðsins í fótbolta, tilkynnti í dag hópinn fyrir leikina gegn Englandi og Belgíu í Þjóðadeildinni.

Vísir var með beina textalýsingu og útsendingu frá blaðamannafundinum sem var í höfuðstöðvum KSÍ í Laugardalnum. Textalýsinguna og útsendinguna má sjá hér fyrir neðan.

Sex sterka leikmenn vantar í íslenska landsliðið: Aron Einar Gunnarsson, Ragnar Sigurðsson, Rúnar Má Sigurjónsson, Alfreð Finnbogason, Jóhann Berg Guðmundsson og Gylfa Þór Sigurðsson.

Ísland mætir Englandi á Laugardalsvellinum laugardaginn 5. september. Þremur dögum síðar mætir íslenska liðið svo því belgíska ytra. Leikirnir verða báðir sýndir í beinni útsendingu á Stöð 2 Sport.

Þetta eru fyrstu keppnisleikir íslenska landsliðsins síðan í nóvember 2019. Í næsta mánuði mætir Ísland svo Rúmeníu í umspili um sæti á EM 2021.