Útsalan hafin í Vogue fyrir heimilið

Útsalan er hafin í Vogue fyrir heimilið og hægt að gera frábær kaup á vönduðum vörum á dúndur afslætti. Í upphafi árs langar marga til að fríska upp á heimilið og tilvalið að nýta útsöluna til þess. Sýningareintök af stólum, sófum, borðum og rúmum er hægt að næla sér í á allt að helmings afslætti og falleg smávara fyrir heimilið er einnig á frábæru verði.

„Nánast allt hér í versluninni er á 20 % afslætti og við bjóðum fjölda húsgagna á allt upp í 50 % afslætti,“ segir Kolbrún Halldórsdóttir, verslunarstjóri Vogue fyrir heimilið.

Fríska upp á svefnherbergið

Þeir sem eru í þeim hugleiðingum að endurnýja rúm geta gert góð kaup en sýningarrúmin í versluninni eru á 40 % afslætti á útsölunni. Stillanlegu heilsurúmin frá Ergomotion fást á 20 % afslætti. Þá eru klassísku rúmfötin frá austurríska framleiðandanum Fussenegger, úr lífrænni bómull,  á 20 % afslætti.

„Útsalan hófst í gær og mun standa fram eftir mánuðinum. Það er allt á fullu hjá okkur,“ segir Kolbrún.

Útsalan er einnig á vefversluninni Vogue.is.

Þessi kynning er unnin í samstarfi við Vogue fyrir heimilið.