Víta­­­spyrnu­­dómurinn um­­­deildi og spyrnan skelfi­­lega frá Pálma

KR vann góðan sigur á ÍA í gær er liðin mættust í 3. umferð Pepsi Max-deildarinnar en umræðan eftir leikinn snérist að hluta til að vítaspyrnu sem KR fékk seint í síðari hálfleik.

Óskar Örn Hauksson fór þá illa með varamanninn Hall Flosason sem tók aðeins í hönd Óskars. Vængmaðurinn knái náði ekki skoti og nánast hætti en Einar Ingi Jóhannsson, dómari leiksins, ákvað því að dæma víti.

Skagamenn mótmæltu ekki mikið en margir netverjar undruðu sig á dómnum á samskiptamiðlinum Twitter.

Öll sagan var þó ekki sögð því Pálmi Rafn Pálmason steig á punktinn og vítaspyrna hans var skelfileg. Lak framhjá markinu.

Það kom þó ekki að sök og KR-ingar fóru burt með stigin þrjú af Akranesi og eru því komnir aftur á sigurbaut í deildinni eftir skellinn gegn HK í síðustu umferð.