Harður á­rekstur á Reykja­nes­braut: Tveir á slysa­deild

Umferðaróhapp varð á Reykjanesbraut ofan Njarðvíkur nú rétt um klukkan 12:30 í dag.

Í samtali við varðstofu Brunavarna Suðurnesja er staðfest að flutningabíl var ekið aftan á vegamerkingabíl sem var að störfum nærri Fitjum. Einn ökumaður var í hvorum bíl og hafa þeir báðir verið fluttir á slysadeild.

Veginum hefur verið lokað en hjáleið er um Stapabraut og Njarðarbraut. Þetta kemur fram í tilkynningu Vegagerðarinnar. Unnið er að hreinsun vegarins en ekki er ljóst hvenær hægt verður að opna Reykjanesbrautina að nýju.

Fréttin hefur verið uppfærð