Nikkie Tutorials og Daði Freyr spjalla um Eurovision

Nikkie de Jager, ein vinsælasta YouTube-stjarna heims, er þekkt undir nafninu NikkieTutorials og hefur haldið úti samnefndri YouTube-rás í rúman áratug.

Hún er ein sú vinsælasta á sviði förðunnar á miðlinum og státar af um þrettán milljón áskrifendum. Þá hefur hún birt myndbönd í samstarfi við Hollywood-stjörnur á borð við Lady Gaga og Jessie J.

Nú er hún komin í samstarf við YouTube-rás Eurovision þar sem hún ræðir við þá keppendur sem áttu að taka þátt í keppninni í Rotterdam í ár.

Hún ræddi við Daða Frey á dögunum og fóru þau yfir lagið, ástandið í dag og framtíðina. Þar sagði hann til að mynda að hann myndi ekki taka þátt í Söngvakeppninni á næsta ári en myndi samt sem áður taka þátt í Eurovision á næsta ári fyrir hönd Íslands ef leitað væri til hans. 

Daði valdi einnig hans uppáhaldslögin í keppninni í ár og þar valdi hann lögin frá Ítalíu og Litháen en hans 12 stig fara til Ástrala. 

Hér að neðan má sjá spjall Daða Freyr og Nikkie.