Komu snilldarlega „út úr skápnum“ með hjálp TikTok

Nýtt trend hefur skapast á samfélagsmiðlinum TikTok þar sem fólk notar frumlegar og skemmtilegar leiðir til að koma „út úr skápnum“, ef svo má að orði komast. 

 Að opinbera kynhneigð sína fyrir sínum nánustu og heiminum getur reynst mörgum þungbært og er því afar ánægjulegt að sjá hvernig fólk hefur nýtt sér möguleika TikTok til að gera sér það auðveldara.

Það sem gerir myndböndin ennþá skemmtilegri er að sjá viðbrögð ættingja og vina. Skoðum nokkur myndbönd hér fyrir neðan þar sem fólk er að notast við textabrot úr laginu 'Get Ugly' með Jason Derulo.

Annað trendið tengt þessu er þegar fólk er að leika sér með það að staðsetja sig á svokölluðum kynhneigðar-skala, það er sá skali frá alveg gagnkynhneigðum til alveg samkynhneigðs og allt þar á milli. Hægt er að sjá bæði einstaklinga og vinahópa leika sér með þetta form saman.

Makamál fagna fjölbreytileikanum og skora á fólk að senda okkur ábendingar um skemmtileg myndbönd eða sögur á netfangið makamal@syn.is